मुंबई : मुंबईतील पूर्व आणि पश्चिम उपनगरांमधील पाणीपुरवठा सोमवारी २४ तासांसाठी बंद करण्यात आला होता. मात्र जल अभियंता खात्याने हाती घेतलेली कामे नियोजित वेळेत पूर्ण होऊ न शकल्यामुळे २४ तासांनंतर उपनगरांतील पाणीपुरवठा पूर्ववत करण्यात मुंबई महानगरपालिकेला अपयश आले आहे. उपनगरवासियांना मंगळवारी सकाळी १० वाजता पाणीपुरवठा करण्यात येणार होता. मात्र आता मंगळवारी संध्याकाळी ६ वाजता पाणीपुरवठा पूर्ववत करण्यात येणार असल्याची माहिती मुंबई महानगरपालिका प्रशासनाने दिली आहे.

मुंबई महानगरपालिकेच्या जल अभियंता खात्यातर्फे  ३० जानेवारी  सकाळी १०:०० पासून  ३१ जानेवारी रोजी सकाळी १०:०० पर्यंत भांडुप संकुल येथील जलशुद्धीकरण केंद्रास पर्यायी ४००० मिमी व्यासाची जल वाहिनी जोडणे, २४०० व १२०० मिमी व्यासाच्या झडपा बसविणे, गळती दुरुस्ती करणे आणि इतर संलग्न कामे हाती घेण्यात आली होती. या सर्व कामांसाठी भांडुप संकुल येथील १,९१० दशलक्ष लिटर प्रतिदिन क्षमतेचे जलशुद्धीकरण केंद्र सुमारे ४२ वर्षानंतर प्रथमच २४ तासांसाठी बंद ठेवण्यात आले होते.

Mumbai, Water supply,
मुंबई : पूर्व उपनगरात गुरुवारी पाणीपुरवठा बंद; चेंबूर, गोवंडी, देवनारमध्ये पाणी नाही
second tunnel of the Sagari Kinara Road project is open for passenger service
मुंबई : सागरी किनारा रस्ता प्रकल्पातील दुसरा बोगदा प्रवाशांच्या सेवेत खुला
Megablock, Western Railway,
मध्य, पश्चिम रेल्वेवर रविवारी मेगाब्लॉक
Bus option of NMMT ST to reach office mumbai
कार्यालय गाठण्यासाठी एनएमएमटी, एसटीच्या बसचा पर्याय; बसमध्ये प्रवाशांची गर्दी
Subway , Villagers Risk Lives Crossing Pambeach Road, Pambeach Road, pambeach road subway, Navi Mumbai, marathi news,
भुयारी मार्ग तरीही सुरक्षा धोक्यात, जीव धोक्यात घालून पामबीच मार्ग ओलांडण्याचे प्रकार सुरूच
Pod Hotel will start in Matheran in August
माथेरानमध्ये ऑगस्ट महिन्यात ‘पॉड हॉटेल’ होणार सुरू
Water supply, Thane, Water,
ठाण्यातील काही भागात बुधवारी पाणी पुरवठा बंद
Mega Block to expand two platforms in Mumbai Many trains including Nagpur-Mumbai Duronto have been cancelled
रेल्वेने नागपूर, पुण्याकडे येणाचा विचार करताय? मग ‘हे’ वाचाच…

हेही वाचा >>> चुनाभट्टीत सहाय्यक पोलीस निरीक्षकाची आत्महत्या

ही सर्व कामे पूर्ण करीत असताना अनेक तांत्रिक अडचणी आल्या. त्यामुळे उपरोक्त कामे पूर्ण करून १,९१० दशलक्ष लिटर प्रतिदिन क्षमतेचे जल शुद्धीकरण केंद्र, केंद्रापर्यंत येणाऱ्या व केंद्रापासून पुढे जाणाऱ्या सर्व जलवाहिन्या पूर्ण क्षमतेने सुरू करण्यासाठी आठ तासांचा अतिरिक्त कालावधी लागणार आहे. या कामांमुळे पश्चिम उपनगरातील अंधेरी पूर्व, पश्चिम, गोरेगाव, मालाड, कांदिवली, बोरिवली, दहिसर, वांद्रे पूर्व व पश्चिम या नऊ विभागांमधील अनेक परिसरातील पाणीपुरवठा पूर्णपणे खंडित करण्यात आला आहे. तर पूर्व उपनगरातील भांडूप, घाटकोपर, कुर्ला येथील अनेक भागात पाणीपुरवठा पूर्णपणे खंडित आहे.

हेही वाचा >>> ‘म्हाडा’च्या हातोडय़ाआधी पाडकाम; अनिल परब यांचे वांद्रय़ातील अवैध बांधकाम

तर दादर, माहीम पश्चिम,  प्रभादेवी व माटुंगा पश्चिम या परिसरातील पाणीपुरवठ्यात २५ टक्के कपात करण्यात आली आहे. धारावी परिसरातील ज्या भागात दुपारी ४ ते सायंकाळी ९ यादरम्यान पाणीपुरवठा होतो, त्या भागात ३० जानेवारी २०२३ रोजी पाणीपुरवठा पूर्णपणे बंद होता. बाधित झालेल्या भागांचा पाणीपुरवठा मंगळवार, ३१ जानेवारी २०२३ रोजी सकाळी १०:०० वाजता पूर्ववत करण्यात येणा होता. मात्र आता तो मंगळवारी संध्याकाळी ६:०० पासून पूर्वरत होण्याची अपेक्षा आहे. नागरिकांनी कृपया याची नोंद घ्यावी व प्रशासनास सहकार्य करावे, असे आवाहन  मुंबई महानगरपालिकेच्या जल अभियंता खात्यातर्फे करण्यात आले आहे.