scorecardresearch

Premium

राहुल गांधींचं रावणाच्या रुपात पोस्टर, मुंबईत काँग्रेस आक्रमक; वडेट्टीवार म्हणाले, “भाजपाला स्वतःची लंका…”

“रावणराज करणाऱ्या भाजपाला स्वतःची लंका जळत असल्याची चाहूल लागली आहे. त्यामुळेच सत्ताधारी भाजपने आमचे नेते राहुल गांधी यांना बदनाम करण्यासाठी हिन पातळीवरील राजकारण सुरू केले आहे. राजकारणात भाजपने सभ्यतेची पातळी ओलांडली”, असंही ते म्हणाले.

Congress protest
काँग्रेसचं मुंबईत आंदोलन (फोटो – वियय वडेट्टीवार ट्वीटर/ लोकसत्ता ग्राफिक्स टीम)

भाजपाने राहुल गांधींचा उल्लेख रावण असा केल्याने काँग्रेस चांगलीच आक्रमक झाली आहे. दरम्यान, काँग्रेसने मुंबईत आज भाजपाविरोधात आंदोलनही पुकारले आहे. या आंदोलनात मुंबई काँग्रेस अध्यक्ष वर्षा गायकवाड यांच्यासह शेकडे कार्यकर्ते आणि पदाधिकारी उपस्थित होते. तसंच, राज्याचे विरोधी पक्षनेते विजय वडेट्टीवार यांनीही याप्रकरणी आवाज उठवला असून भाजपाला लक्ष्य केलं आहे. आतापर्यंत देशात महिलांवर झालेल्या अत्याचाराच पाढाच त्यांनी वाचून दाखवला आहे.

विजय वडेट्टीवार एक्सवर म्हणाले की, “भाजपच्या हीन पातळीवरील राजकारणाचा निषेध. ९ वर्षात भाजप ने देशात रावणसारखी सत्ता चालवली. ज्याप्रमाणे रावणाने बहरुपी बनून सीता मातेचे अपहरण केले होते आणि त्यांना त्रास दिला, त्याचप्रमाणे भाजपने सुद्धा विकासाचे सोंग घेऊन बहरूपी बनून देशाचं वाटोळं केलं आहे.”

Congress Promising 5000 Rs per month for poor families
“गरीब कुटुंबांना दरमहा ५,००० रुपये देणार”, निवडणुकीआधी काँग्रेसची मोठी घोषणा; म्हणाले, “हे आश्वासन नाही, तर…”
Narendra Modi and Rahul Gandhi
“वाराणसीत तरुणांना नशेत नाचताना पाहिलं”, राहुल गांधीच्या टीकेवर मोदींचा पलटवार; म्हणाले, “जे स्वतः…”
sakshi malik bajrang punia slams wfi chief sanjay singh for lifting suspension
बंदी उठवण्यासाठी भ्रष्ट मार्गाचा अवलंब; साक्षी, बजरंगचा भारतीय कुस्ती महासंघावर आरोप; नव्याने आंदोलनाचा इशारा
Advani to Swaminathan BJP 4 points behind giving Bharat Ratna
अडवाणी ते स्वामिनाथन! ५ दिग्गजांना सर्वोच्च सन्मान; ‘भारतरत्न’ देण्यामागे भाजपाचे ४ मुद्दे; नेमकं राजकारण काय? वाचा…

“९ वर्षात भाजपने देशात रावणराज निर्माण केले. महिला कुस्तीपटूचे लैंगिक शोषण करणाऱ्या भाजपच्या खासदाराला पाठीशी घातले. भाजप सत्तेत असलेल्या मणिपूर मध्ये तेथील आया बहिणींची धिंड काढली जाते पण तिकडे दुर्लक्ष केले जाते. कोणताही भाजप नेता याबाबत बोलत नाही. बिल्कीस बानोवर बलात्कार करणाऱ्यांची शिक्षा माफ करून त्यांचा सत्कार केला जातो. हे रावणराज नाही तर काय आहे?”, असा सवालही त्यांनी उपस्थित केला.

“रावणराज करणाऱ्या भाजपाला स्वतःची लंका जळत असल्याची चाहूल लागली आहे. त्यामुळेच सत्ताधारी भाजपने आमचे नेते राहुल गांधी यांना बदनाम करण्यासाठी हिन पातळीवरील राजकारण सुरू केले आहे. राजकारणात भाजपने सभ्यतेची पातळी ओलांडली”, असंही ते म्हणाले.

प्रणिती शिंदे यांनीही व्यक्त केला संताप

“मोदींचा आत्मविश्वास कमी होताना दिसतोय. रावणाची काही ठिकाणी पूजा करतात. पण कुंभकर्णाचं काय? जो झोपेचं सोंग घेतो. मोदी सध्या तेच करत आहेत. ज्वलंत मुद्द्यांवर मोदी बोलत नाही, मौन घेतात. मोदी फक्त हरामाचं खात आहेत, लोकांच्या नावावर खात आहेत. जे ज्वलंत विषय आहेत, त्यावर बोलत नाहीत. त्यामुळे आता लोकांना कळून चुकलंय की खरा रावण कोण आहे”, अशा कठोर शब्दांत प्रणिती शिंदे यांनी टीका केली असून राहुल गांधींना रावणाचं रुप दिल्याने निषेध व्यक्त केला आहे.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Rahul gandhis poster as ravana congress aggressive in mumbai vadettiwar said bjp own lanka sgk

First published on: 06-10-2023 at 19:04 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×