“छगन भुजबळ यांची वक्तव्ये महाराष्ट्रातील समाजात आग लावणारी, हा विषय…”, संजय राऊतांचा हल्लाबोल

संजय राऊत म्हणाले, “देवेंद्र फडणवीस, छगन भुजबळ राजकारण करत आहेत. महाराष्ट्राचे मुख्यमंत्री एकनाथ शिंदे आणि उपमुख्यमंत्री अजित पवार या सर्वांनी आपली जुनी वक्तव्यं आधी तपासून घ्यावी. फडणवीस म्हणत होते कॅबिनेटच्या पहिल्या बैठकीत धनगर समाजाला आरक्षण देऊ. मी मुख्यमंत्री होईल आणि लगेच मराठा समाजाला आरक्षण देईल, असं एकनाथ शिंदे म्हणत होते.”

“भुजबळांची वक्तव्ये समाजामध्ये फूट पाडणारी, आग लावणारी”

“मराठा समाज लाखोच्या संख्येने रस्त्यावरती उतरला आहे. आपण सर्व मराठा समाजाच्या मूक मोर्चामध्ये छाती पुढे काढून चालत होते. मग आता आपल्या हातात सत्ता आहे. तुम्ही वातावरण चिघळवण्याचं काम करत आहात. भुजबळ यांची वक्तव्य महाराष्ट्राच्या समाजामध्ये फूट पाडणारी, आग लावणारी आहे,” असं मत संजय राऊतांनी व्यक्त केलं.

हेही वाचा : “अध्यक्षांना आता आयसीयूत जाण्याची वेळ आली”; संजय राऊतांच्या टीकेवर राहुल नार्वेकर म्हणाले…

“राज्याच्या एकतेला आग लावता येणार नाही”

“हा विषय अत्यंत संयमाने हाताळला पाहिजे. राज्याच्या एकतेला आग लावता येणार नाही. सदाभाऊ खोत म्हणजे कर्मवीर नाहीत. ते काय बोलतात त्यांच्याशी मला पडलेले नाही. मी महाराष्ट्रसाठी बोलतो,” असं म्हणत संजय राऊतांनी सदाभाऊ खोत यांच्या टीकेवर बोलणं टाळलं.