scorecardresearch

Premium

“सरकारला मनोज जरांगे पाटलांना संपवायचं आहे, त्यांना…”; संजय राऊतांचा गंभीर आरोप

मराठा आरक्षणाच्या मागणीसाठी मनोज जरांगे पाटील यांनी जालन्यात सुरू केलेल्या उपोषणाचा आज (१३ सप्टेंबर) १६ दिवस आहे.

Sanjay Raut Manoj Jarange Eknath Shinde
संजय राऊतांनी शिंदे सरकारवर टीका केली आहे. ( संग्रहित छायाचित्र )

मराठा आरक्षणाच्या मागणीसाठी मनोज जरांगे पाटील यांनी जालन्यात सुरू केलेल्या उपोषणाचा आज (१३ सप्टेंबर) १६ दिवस आहे. मात्र, अद्यापही मराठा आरक्षणावर आंदोलकांचे समाधान करेल असा तोडगा निघालेला नाही. या पार्श्वभूमीवर शिवसेनेच्या ठाकरे गटाचे खासदार संजय राऊत यांनी आंदोलन करणाऱ्या मनोज जरांगे यांच्या उपोषणावर बोलताना शिंदे-फडणवीस-पवार सरकारवर गंभीर आरोप केले. ते मुंबईत पत्रकारांनी विचारलेल्या प्रश्नाला उत्तर देताना बोलत होते.

संजय राऊत म्हणाले, “या सरकारला मराठा आरक्षणावर काहीच करायचं नाही. हे सरकार घाबरट आहे. हे सरकार केवळ आश्वासन देतं. या सरकारला मनोज जरांगे पाटील यांना मारायचं आहे, संपवायचं आहे. त्यांना काहीही काळजी नाही.”

School Boy Kidnapped, pune, 50 Lakhs Ransom, Safely Rescued, police, Kidnappers, search,
पुणे : शाळकरी मुलाचे ५० लाखांच्या खंडणीसाठी अपहरण, पोलिसांकडून सुखरूप सुटका; अपहरण करणाऱ्यांचा शोध सुरू
Prime Minister Modi firm assertion that the scheme is for the benefit of farmers
योजना शेतकरी हिताच्याच! पंतप्रधान मोदी यांचे ठाम प्रतिपादन
pune gangsters interrogated at police commissionerate
पोलिसांनी पुण्यातील ‘भाईं’चा नक्षा उतरविला…गज्या मारणे, बाबा बोडके, निलेश घायवळसह ३०० गुंडांची पोलीस आयु्क्तालयात चौकशी
Protest District Bank Swabhimani sangli
सांगली : बड्यांना माफी, शेतकऱ्यांवर जप्ती; स्वाभिमानीची जिल्हा बॅंकेसमोर बोंबाबोंब

“मग आता ते आश्वासनांचे फुलबाजे विझले का?”

“आमच्या हातात सत्ता आली की, २४ तासात मराठ्यांना आरक्षण देऊ हे सांगणारे आज आरक्षण का देत नाहीत. त्यामुळे जरांगे पाटील यांची भूमिका योग्य आहे. यांच्यावर विश्वास कोण ठेवेल. माझ्या हातात सत्ता द्या, सरकार आल्यावर २४ तासात पहिल्या कॅबिनेटमध्ये धनगर समाजाला आरक्षण देणार होते. हे यांनीच उडवलेले फुलबाजे आहेत, मग आता ते आश्वासनांचे फुलबाजे विझले का?” असा प्रश्नही संजय राऊतांनी विचारला.

उद्धव ठाकरेंवर केलेल्या शिंदेंच्या आरोपाला संजय राऊतांचं प्रत्युत्तर

मुख्यमंत्री एकनाथ शिंदे यांनी इंग्लंडचे पंतप्रधान ऋषी सुनक यांचा उल्लेख करत उद्धव ठाकरेंच्या लंडनमधील घर आणि संपत्तीबाबत गंभीर आरोप केले होते. त्याबाबत विचारलं असता संजय राऊत म्हणाले, “मला याविषयी माहिती नाही, पण उद्धव ठाकरेंच्या लंडनमधील कथित घराच्या चाव्या अजय अश्रफ नावाच्या बिल्डरकडे असतील. अशाप्रकारे बोलल्याने त्यांच्यावरील ५० खोक्यांचे आरोप धुतले जाणार नाही हे त्यांनी लक्षात घ्यावं.”

हेही वाचा : “मराठा आरक्षण हाच माझ्यावरचा उपचार”; मनोज जरांगेंनी सर्वपक्षीय नेत्यांना ठणकावलं, म्हणाले…

“कुणाची कमाई कोणत्या बिल्डरच्या माध्यमातून कोणत्या देशात जाते हे सर्वांना माहिती”

“या मुंबईसह ठाण्यात सध्या बिल्डरांचं राज्य सुरू आहे. हे सगळ्यांना माहिती आहे. यातून केलेली कमाई कोणत्या देशात जाते आणि कोणत्या बिल्डरच्या माध्यमातून जाते हेही सर्वांना माहिती आहे. आम्हाला बदनाम करून एकनाथ शिंदेंवरील डाग धुतले जाणार नाहीत,” असं प्रत्युत्तर संजय राऊतांनी दिलं.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Serious allegations of sanjay raut on shinde government about manoj jarange pbs

First published on: 13-09-2023 at 13:35 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×