scorecardresearch

Premium

पवारांच्या घरावर एसटी कर्मचाऱ्यांनी फेकल्या चप्पला; फडणवीस म्हणाले, “नेते कुठल्याही पक्षाचे असोत, घरांवर…”

पवारांच्या घरावर झालेल्या आंदोलनासंदर्भात देवेंद्र फडणवीस यांनी आपली पहिली प्रतिक्रिया नोंदवलीय

Pawar Fadanvis
फडणवीस यांनी ट्विटरवरुन नोंदवली प्रतिक्रिया (फाइल फोटो)

राष्ट्रवादी काँग्रेसचे अध्यक्ष शरद पवार यांच्या मुंबईतील घाराबाहेर आज एसटी कर्मचाऱ्यांनी आंदोलन (ST Workers Protest) केलं. यावेळी पवारांच्या सिल्व्हर ओक या घरावर एसटी कर्मचाऱ्यांनी चप्पला फेकल्या. या साऱ्या प्रकारामुळे सिल्व्हर ओकच्या आजूबाजूच्या परिसरामध्ये चांगलाच गोंधळ आणि तणाव निर्माण झाला. या घटनेसंदर्भात राष्ट्रवादीच्या अनेक नेत्यांनी उघडपणे नाराजी व्यक्त केली आहे. असं असतानाच राज्याचे विरोधी पक्ष नेते देवेंद्र फडणवीस यांनीही या प्रकरणावर प्रतिक्रिया दिलीय.

नक्की पाहा >> सिल्व्हर ओक आंदोलन Video: पोलीस कर्मचारी आंदोलनकर्त्या महिलेला धक्का देत असतानाच सुप्रिया सुळेंनी तिचा हात पकडला अन्…

फडणवीस यांनी हा हल्ला चुकीचा आहे असं म्हटलंय. तसेच अशी आंदोलने एखाद्या मोठ्या नेत्याच्या घरापर्यंत जाणं समर्थनीय नसल्याचं फडणवीस म्हणालेत. फडणवीस यांनी ट्विटरवरुन आपली प्रतिक्रिय नोंदवली आहे. पवारांच्या घरासमोर झालेल्या गोंधळावर भाजपाकडून प्रतिक्रिया देणारे फडणवीस हे पहिले मोठे नेते आहेत.

Nitish kumar OBC census
विश्लेषण : नितीशकुमार यांची ओबीसी जनगणनेची खेळी… भाजपबरोबर ‘इंडिया’तील सहकारी पक्षांचीही कोंडी?
devendra fadnavis criticized aditya thackeray
‘वाघनखा’वरून फडणवीस विरुद्ध आदित्य
maharashtra agriculture minister dhananjay munde praise union minister nitin gadkari in event at akola
अकोला: नितीन गडकरींमुळेच मी कृषीमंत्री; धनंजय मुंडेंच्या वक्तव्याने भुवया उंचावल्या
Chandrashekhar Bawankule (2)
“पत्रकारांनी आपल्याविरोधात बातमी छापू नये, यासाठी…”, भाजपा पदाधिकाऱ्यांना दिलेल्या सल्ल्यावर चंद्रशेखर बावनकुळेंचं स्पष्टीकरण, म्हणाले…

“ज्येष्ठ नेते शरद पवार साहेब यांच्या निवासस्थानी झालेली घटना सर्वथा चुकीची आहे. नेते कुठल्याही पक्षाचे असोत, घरांवर अशी आंदोलने अजीबात समर्थनीय नाहीत. मी या घटनेचा तीव्र निषेध करतो,” असं फडणवीस यांनी म्हटलं आहे.

मात्र एकीकडे पवारांच्या घरासमोरील गोंधळाचा निषेध करतानाच दुसरीकडे फडणवीस यांनी सरकारचेही कान टोचलेत. “गेल्या पाच महिन्यांहून अधिक काळपासून एसटी कर्मचारी आंदोलन करीत आहेत. त्यांच्या व्यथा, मागण्या योग्यप्रकारे व योग्य व्यासपीठावरच मांडल्या जाव्यात आणि त्या ऐकून घेतल्या जाव्या, अशी अपेक्षाही या निमित्ताने व्यक्त करतो,” असंही म्हटलंय.

राज्याचे परिवहन मंत्री अनिल परब यांनी कर्मचाऱ्यांना २२ एप्रिल पर्यंतचा अल्टीमेटम दिला आहे. न्यायालयाने कर्मचाऱ्यांना २२ एप्रिलपर्यंत कामावर परतण्याचे आदेश दिलेत.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: St workers protest out side sharad pawar home devendra fadnavis reacts scsg

First published on: 08-04-2022 at 19:18 IST

संबंधित बातम्या

मराठी कथा ×