नाटककार सुरेश चिखले यांचे निधन

दर्जेदार नाटकांचे नाटककार सुरेश चिखले यांचे आज  मुंबईत निधन झाले.  सकाळी त्यांना अस्वस्थ वाटू लागल्याने रुग्णालमध्ये नेण्यात आले. मात्र, तत्पूर्वीच त्यांचे निधन झाले होते.
गेल्या चाळीस वर्षापासून मराठी रंगभूमीवर अनेक वैविध्यपूर्ण विषय त्यांनी हाताळले. ‘जांभूळ आख्यान’सारखं लोकनाट्य असो, किंवा संभाजी महाराजांच्या जीवनावरील ऐतिहासिक शंभूराजे असो,वेश्यांच्या आयुष्यावरील गोलपिठासारखं नाटक असेल, अशा वैविध्यपूर्ण आणि आजवर स्पर्श न केलेल्या विषयांवर सुरेश चिखले यांनी नाट्यलेखन केले. गोलपीठा,अकस्मात, जांभूळ आख्यान, प्रेम पुजारी, खंडोबाचं लगीन, सध्या गाजत असलेलं प्रपोजल ही त्यांची नाटकंसुद्धा प्रेक्षक आणि समीक्षक दोघांनीही उचलून धरली होती.
मालाड (प) येथून सायंकाळी त्यांची अंत्ययात्रा काढण्यात निघणार आहे.