scorecardresearch

Premium

मुंबई : गिरगावातील आगीत दोन ज्येष्ठ नागरिकांचा मृत्यू

गिरगाव चौपाटी येथे शनिवारी रात्री उशिरा लागलेल्या आगीत दोन ज्येष्ठ नागरिकांचा होरपळून मृत्यू झाला. निवासी इमारतीत लागलेली ही आग विझवण्यात पहाटे अग्निशमन दलाला यश आले.

senior citizens died in fire Girgaon
मुंबई : गिरगावातील आगीत दोन ज्येष्ठ नागरिकांचा मृत्यू (प्रातिनिधिक छायाचित्र)

मुंबई : गिरगाव चौपाटी येथे शनिवारी रात्री उशिरा लागलेल्या आगीत दोन ज्येष्ठ नागरिकांचा होरपळून मृत्यू झाला. निवासी इमारतीत लागलेली ही आग विझवण्यात पहाटे अग्निशमन दलाला यश आले. त्यानंतर इमारतीत दोन मृतदेह आढळले. नलिनी शाह (८२ वर्ष) आणि व हिरेन शाह (६० वर्ष) अशी त्यांची नावे आहेत.

गिरगाव चौपाटी येथील रांगणेकर मार्गावर असलेल्या गोमती भवन इमारतीत शनिवारी साडेसातच्या सुमारास ही आग लागली होती. तीन मजल्याच्या या इमारतीत व तिसऱ्या मजल्याच्यावर एक पोटमाळा काढण्यात आला होता. त्यात तिसऱ्या मजल्यावरील एका घरात ही आग लागली होती. ही आग काही मिनिटांतच पसरली. घराच्या खिडक्यांमधून आगीचे लोळ बाहेर येऊ लागले. अग्निशमन दलाने लगेचच बचावकार्य हाती घेऊन आग विझवण्याचा प्रयत्न केला.

Loksatta lokrang Double decker trek Meghalaya
निमित्त: डबल डेकर ट्रेक
agniveer accident dies wardha indian army maharashtra
वर्धा : कर्तव्यावरील अग्निवीराचा मृत्यू, शासकीय इतमामातच होणार अंत्यसंस्कार.
bjp women wing president beaten dombivali crime marathi news
डोंबिवलीत व्यापारी गाळ्यावरून भाजप ग्रामीण महिला अध्यक्षा सुहासिनी राणे यांना मारहाण
three railway workers died vasai marathi news, 3 workers hit by local train vasai
वसई : रूळ दुरुस्तीचे काम करताना लोकलची ठोकर लागून तीन रेल्वे कर्मचाऱ्यांचा मृत्यू

हेही वाचा – महापरिनिर्वाण दिनानिमित्त मध्य रेल्वेवर धावणार १२ विशेष लोकल; कसे असेल वेळापत्रक? वाचा

हेही वाचा – मुंबई : लहान मुलांवर लैंगिक अत्याचार केल्याप्रकरणी दोघांना अटक, वडाळा व कुरार येथील घटना

विद्युत पुरवठा बंद करून अग्निशमन दलाने इमारतीत अडकलेल्या नऊ जणांना बाहेर काढले. रात्री दहा वाजता अग्निशमन दलाने ही आग स्तर दोनची असल्याची वर्दी दिली होती. इमारतीतून बाहेर काढलेल्या लोकांकडून आत कोणी अडकले आहे का याबाबत माहिती घेतली जात होती. त्यामुळे आत दोन जण अडकल्याचे समजले होते. ज्या घरात आग लागली होती त्या घरात अग्निशमन दलाच्या जवानांनी प्रवेश केला असता झोपण्याच्या खोलीत मृतदेह आढळला तर स्नानगृहात एक मृतदेह आढळून आला. हे दोन्ही मृतदेह संपूर्ण जळालेल्या अवस्थेत होते. हे दोन्ही मृतदेह जे जे रुग्णालयात पाठवण्यात आले आहेत. पहाटे साडेतीनच्या सुमारास आग विझवण्यात अग्निशमन दलाला यश आले.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Two senior citizens died in a fire in girgaon mumbai print news ssb

First published on: 03-12-2023 at 21:37 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×