हार्बर, ट्रान्स हार्बर मार्गालगतच्या अनधिकृत बांधकामावर हातोडा

वडाळा – जीटीबी स्थानकादरम्यान डाऊन रेल्वेमार्गानजिक झोपड्या उभारण्यात आल्या होत्या. या ठिकाणी रेल्वे रूळ ओलांडण्याची समस्या निर्माण झाली होती. तसेच, रेल्वेच्या हद्दीत अनधिकृत झोपड्या उभारण्यात आल्या असून रहिवाशांनी टाकलेल्या कचऱ्याचे ढिग साचले होते. यासर्व बाबी लक्षात घेऊन शनिवारी मध्य रेल्वे प्रशासनाने आरपीएफच्या मदतीने अनधिकृत झोपड्या हटवल्या.

हेही वाचा… प्रदूषणमुक्तीसाठी मुंबईत ‘संपूर्ण स्वच्छता मोहीम’, मुख्यमंत्र्यांच्या उपस्थितीत रविवारी धारावीतून मोहिमेला सुरुवात

तसेच २६ नोव्हेंबर रोजी चुनाभट्टी आणि जीटीबी नगर दरम्यान १४० छोटी दुकाने आणि २५ झोपड्यांसह १६५ अतिक्रमणे हटवण्यात आली. जुईनगर आणि सानपाडा स्थानकांदरम्यान अशाच प्रकारच्या मोहिमेत १५ अतिक्रमणे जमिनदोस्त करण्यात आली.