‘ब्रृहन्मुंबई महापालिका शिक्षक सभे’चे संस्थापक सरचिटणीस रमेश जोशी यांच्या पत्नी उर्मिला उर्फ विजूताई जोशी (वय ६५ वर्षे) यांचे ७ जानेवारीला गोरेगांव येथील त्यांच्या निवासस्थानी आकस्मिक निधन झाले. त्यांच्या पश्चात पती, मुलगा, सुन, नात असा परिवार आहे. उर्मिलाताई जोशी या महाराष्ट्र राज्याच्या बालसुधारगृह खात्यातून सेवानिवृत्त झाल्या होत्या. ऐन उमेदीच्या काळात त्यांनी समाजवादी चळवळीमध्ये स्वत:ला झोकून दिले होते.स्वाधार संस्थेच्या मार्गदर्शक म्हणूनही त्यांनी कार्य केले आहे.