24 January 2021

News Flash

विदर्भाचा केक कापून अणेंचे राज यांना प्रत्युत्तर

‘महाराष्ट्र म्हणजे केक वाटलाय का? की त्याचे हवे तितके तुकडे करायचे?’

‘महाराष्ट्र म्हणजे केक वाटलाय का? की त्याचे हवे तितके तुकडे करायचे?’ असा जाहीर सवाल करणाऱ्या महाराष्ट्र नवनिर्माण सेना प्रमुख राज ठाकरे यांना स्वतंत्र विदर्भाचे कट्टर समर्थक अ‍ॅड. श्रीहरी अणे यांनी त्यांच्या वाढदिवसाला महाराष्ट्राच्या प्रतिकृतीचा केक तयार करून त्यातून विदर्भ आणि मराठवाडय़ाचा हिस्सा वेगळा करून चोख प्रत्युत्तर दिले.
अ‍ॅड. श्रीहरी अणे सध्या नागपूर दौऱ्यावर आहेत. बुधवारी त्यांचा जन्मदिवस होता, मंगळवारी रविभवनात मध्यरात्रीनंतर एका कौटुंबिक सोहळ्यात तो साजरा करण्यात आला. यावेळी त्यांचे वकील मित्र, व्ही-कनेक्ट या संघटनेचे पदाधिकारी आणि कुटुंबातील सदस्य उपस्थित होते. या कार्यक्रमात अणे यांनी कापलेल्या केक मुळे हा विषय सध्या राजकीय वर्तुळात चर्चेचा ठरला आहे. केकची प्रतिकृती महाराष्ट्राच्या आकाराची होती, त्यावर मराठवाडा आणि विदर्भ असे वेगवेगळे भाग दर्शविण्यात आले होते. अणे यांनी या केकमधून विदर्भ आणि मराठवाडा हे दोन भाग वेगळे करून आपला जन्म दिवस साजरा केला. मुंबई येथील सभेत राज ठाकरे यांनी स्वतंत्र विदर्भाला विरोध करताना महाराष्ट्र म्हणजे केक वाटला काय? की ज्याचे हवे तितके तुकडे करावे? असा सवाल करीत महाराष्ट्राचे चार तुकडे करा, अशी मागणी करणाऱ्या ज्येष्ठ विचारवंत मा.गो वैद्य यांच्यावर टीका केली होती. या टीकेला अ‍ॅड. अणे यांनी केक कापूनच प्रत्युत्तर दिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 14, 2016 2:34 am

Web Title: former ag shreehari aney celebrates birthday by cutting vidharbha from maharashtra on his cake
टॅग Raj Thackeray
Next Stories
1 आंबेडकरांच्या अर्थविषयक ग्रंथाचा मराठी अनुवाद शासनदरबारी धूळ खात
2 ‘मोक्का’च्या भीतीने गुंडांच्या टोळ्या विखुरल्या!
3 व्याघ्रदूत विद्यार्थिनीचे ‘वाघावर महाशब्दकोडे’!
Just Now!
X