गडचिरोली-नागपूर महामार्गावर देउळगावजवळ आज मोटार व ट्रकमध्ये भीषण अपघात झाला. या अपघातात पाच जणांचा मृत्यृ झाला आहे. सहाय्यक पोलीस निरीक्षक मनोज धरणे यांच्यासह त्यांच्या कुटुंबीयांचा अपघातात मृत्यृ झाला आहे. मनोज धरणे आणि कुटुंबिय मोटारीतून आज सकाळी गडचिरोलीला येत होते. दरम्यान समोरुन येणाऱ्या ट्रकने मोटारीला धडक दिली. अपघातात मनोज धरणे त्यांच्या पत्नी, दोन मुले व आई असे कुटुंबातील सर्वांचाच मृत्यू झाला आहे. गडचिरोलीत फिंगरप्रिंग विभागात धरणे कार्यरत होते.
