ऊर्जामंत्र्यांच्या शहरातच १०७ वीजचोऱ्या उघड; महावितरण कारवाई आणखी तीव्र करणार

ऊर्जामंत्री व उपमुख्यमंत्री देवेंद्र फडणवीस यांच्या नागपूर शहरात महावितरणच्या नागपूर शहर मंडळ आणि संचालन व सुव्यवस्था आणि भरारी पथकाने पाच दिवसांत १०७ वीजचोऱ्या उघडकीस आणल्या.

Written by लोकसत्ता टीम

नागपूर

September 8, 2023 16:05 IST

ऊर्जामंत्र्यांच्या शहरातच १०७ वीजचोऱ्या उघड; महावितरण कारवाई आणखी तीव्र करणार (छायाचित्र - लोकसत्ता टीम)

नागपूर : ऊर्जामंत्री व उपमुख्यमंत्री देवेंद्र फडणवीस यांच्या नागपूर शहरात महावितरणच्या नागपूर शहर मंडळ आणि संचालन व सुव्यवस्था आणि भरारी पथकाने पाच दिवसांत १०७ वीजचोऱ्या उघडकीस आणल्या. ही कारवाई आणखी तिव्र करणार असल्याचे महावितरणकडून सांगण्यात आले.

महावितरणच्या चमूने पाच दिवसांत भारतीय विद्युत कायद्याच्या कलम १३५ अन्वये १०७ ग्राहकांकडील सुमारे ३१.६५ लाख रुपयांची वीजचोरी उघडकीस आणली. सोबत कलम १२६ अन्वये ५ ग्राहकांकडील सुमारे १.३ लाखांची वीज अनियमितताही पुढे आणली. शहरातील सिव्हिल लाइन्स विभागातील संघर्ष नगर, लश्करीबाग, यशोधरा नगर, महाल विभागातील ताजबाग व हसनबाग, गांधीबाग विभागातील मोमीनपुरा व अन्सार नगर आणि खोग्रेसनगर विभागातील जयताळा, हुडकेश्वर या भागातील वीज हानी अधिक असलेल्या वाहिन्यांवर ४ सप्टेंबरपासून ही मोहीम पोलीस बंदोबस्तात केली जात आहे.

हेही वाचा – आता एसटी कर्मचाऱ्यांचीही आंदोलनाची हाक, सरकारच्या अडचणीत वाढ, काय आहेत मागण्या जाणून घ्या

हेही वाचा – मराठा आरक्षण : मोताळा येथे आजपासून सहाजणांचे आमरण उपोषण, जरांगेंना पाठींबा तर फडणवीसांच्या राजीनाम्याची मागणी

महावितरणचे प्रादेशिक संचालक सुहार रंगारी आणि मुख्य अभियंते दिलीप दोडके, शहर मंडळाचे अधीक्षक अभियंता अमित परांजपे यांच्या देखरेखीत ही कारवी राजेश घाटोळे, समीर टेकाडे, राहुल जीवतोडे, हेमराज ढोके यांच्यासह त्यांची चमू करत आहे.

First published on: 08-09-2023 at 16:05 IST

TOPICSचोरी Robbery नागपूर Nagpur महावितरण Mahavitaran वीज Electricity

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: 107 electricity thefts revealed in nagpur mahavitaran will further intensify the action mnb 82 ssb