यवतमाळ  : वणी तालुक्यातील सुकनेगाव शिवारात असलेल्या तलावाजवळ वाघाचा बछडा मृतावस्थेत आढळला. ही घटना बुधवारी उघडकीस आली.सुकनेगाव बिटमध्ये महसूल विभागाच्या कक्ष क्रमांक ६ पासून २० ते ३० मीटर अंतरावरील तलावाजवळ वाघाचा बछडा मृतावस्थेत पडलेला होता. ही बाब वनपरीक्षेत्रीय अधिकारी प्रभाकर सोनडवले यांना कळताच त्यांनी पथकासह घटनास्थळ गाठले. मृत बछड्याचे वय अंदाजे तीन महिने होते. त्याचा मृत्यू नेमका कशामुळे झाला, हे शवविच्छेदन अहवालानंतर स्पष्ट होईल, असे वनाधिकाऱ्यांनी सांगितले. घटनास्थळावर पंचनामा केल्यानंतर मंदर येथील निलगिरी वनात मृत बछड्यावर अंत्यसंस्कार करण्यात आले.

वणी तालुक्यात कोळसा खाणी तसेच जंगल परिसरात वाघाचा वावर असल्याचे समोर आले आहे. यापूर्वी वाघाने जनावरे तसेच शेतमजुरांवर हल्ला केल्याच्या अनेक घटना घडल्या आहेत. आता वाघाचा बछडा मृतावस्थेत आढळल्याने खळबळ उडाली आहे.

heart attack in the swimming pool
धक्कादायक! ‘स्विमिंग पूल’मध्येच हृदयविकाराचा झटका
Cattle fodder was burnt due to fire in Deola taluka
देवळा तालुक्यात आगीमुळे गुरांचा चारा खाक, टंचाईत शेतकऱ्याला फटका
Bhandara, Youth Murdered, Body Burn, Destroy Evidence, Enmity, garada village, lakhani taluka, police, crime news, marathi news,
भंडारा : वैमनस्यातून तरुणाची हत्या; पेट्रोल टाकून जाळला मृतदेह…..
In Ralegaon taluka a young man and an old man were killed in Nepal
राळेगाव तालुक्यात रक्तरंजीत होळी; नेपाळच्या तरुणासह वृद्धाची हत्या