नागपूर : भाऊ-वडील मुंबईला एक काम आटोपून गोवा येथे जायला निघाले असतानाच कोतवाली पोलीस ठाणे हद्दीतील एका तरुणीने गळफास घेऊन आत्महत्या केली. ही तरुणी काही महिन्यांपूर्वी आई कर्करोगाने दगावल्यापासून नैराश्यात होती.
डार्थी उदय बोरकर (१९) रा. गणेशनगर, बोरकर काॅलनी, नागपूर असे तरुणीचे नाव आहे. तिची आई काही महिन्यांपूर्वीच कर्करोगाने दगावली. एका कामानिमित्त भाऊ व वडील गोवा येथे जाण्यासाठी निघाले होते. डार्थीला आत्याकडे सोडण्यात आले होते. तिने घरात गळफास घेऊन आत्महत्या केली. पोलिसांनी घटनास्थळ गाठले असता येथे वीज पुरवठाही खंडित असल्याचे निदर्शनात आले. पोलिसांनी आकस्मिक मृत्यूची नोंद केली आहे.
