एसटी बसने चिरडले, १० मेंढ्या जागीच ठार; बुलढाणा-मलकापूर राज्यमार्गावरील दुर्घटना

आज बुधवारी, २७ ऑगस्ट रोजी खडकी फाट्याजवळ ही दुर्घटना घडली.मेंढ्या रस्त्यावरून जात असताना भरधाव मलकापूर येथून छत्रपती संभाजीनगर कडे जाणाऱ्या एसटी महामंडळाच्या भरधावं बसखाली या चिरडल्या गेल्या. यामुळे खडकी फाट्यावर मेंढ्याच्या रक्त मांसाचा सडा पडल्याचे भयावह दृश्य दिसून आले आहे. यामुळे येणारी जाणारी घटना स्थळ परिसरात थांबली. खडकी व अन्य गावातील मेंढपाळ व नागरिकानी घटनास्थळी धाव घेतली. या विचित्र अपघातमुळे काही काळ राज्य महामार्गवरील वाहतूक विस्कळीत झाली.

यामध्ये मेंढपाळाचे मोठे नुकसान झाले असून त्यांचे उदरनिर्वाहचे साधन हिरावले गेले आहे. मेंढपाळ व काही जागृत नागरिकांनी या दुर्घटनेची माहिती बोराखेडी ( तालुका मोताळा ) पोलीस ठाण्याला दिली. यानंतर बोराखेडी ठाण्याचे अधिकारी व कर्मचारी घटनास्थळी दाखल झाले.बोराखेडी पोलिसांनी अपघात स्थळाचा पंचनामा केला तसेच वाहतूक सुरळीत केली. याप्रकरणाचा पुढील तपास बोराखेडी पोलीस करीत आहे.