नागपूर : नागपूर- बिलासपूर वंदे भारत एक्स्प्रेस आता नागपूर रेल्वे स्थानकाच्या फलाट क्रमांक ७ ऐवजी ८ वरून सुटणार आहे.त्यामुळे प्रवाशांना ‘कार-टू-कोच प्रिमियम’ सुविधा मिळणार आहे.रेल्वे मंत्री अश्विनी वैष्णव यांच्या आदेशानंतर वंदेभारत एक्स्प्रेस सोडण्यात येणार आहे. ही गाडी दक्षिण-पूर्व-मध्य रेल्वेची असल्याने मध्य रेल्वेच्या नागपूर विभागाने ‘होम प्लॅटफार्म’ ८ वरून न सोडण्यास तांत्रिक कारण पुढे केले होते. परंतु रेल्वे बोर्डाच्या निर्देशानंतर या गाडीला ८ क्रमांकाचे फलाट मिळाले आहे.त्यामुळे या रेल्वेने प्रवाशांना आता थेट आपल्या कारने फलाट क्रमांक ८ वर उतरून तेथून वंदे भारत एक्स्प्रेस पर्यंत पोहचता येणार आहे.
