चंद्रपूर : वाघाच्या हल्ल्यात गुराखी ठार

रामदास नैताम शनिवारी गुरे चारण्याकरिता चिकमारा बिट जंगल परिसरात गेले होते. मात्र, सायंकाळ झाली तरी ते परत न आल्यामुळे ग्रामस्थांनी उपवनपरिक्षेत्र सहाय्यक बुरांडे यांना माहिती दिली. त्या आधारे वनविभाग तांबेवाडी मेंढा चमू व चिकमारा ग्रामस्थांनी जंगल परिसरात त्यांचा शोध घेतला. रात्री उशिरापर्यंत रामदास नैताम मिळाले नाही. रविवारी पुन्हा शोध घेतला असता सकाळी ७ वाजताच्या समारास त्यांचा मृतदेह आढळून आला.