वर्धा : आंबटशौकीन मजनूस नागरिकांनी चोपले, मोबाईलमध्ये महिलांची छायाचित्रे

हा प्रकार गर्दी असल्याने चर्चेत आला. नागरिकांची गर्दी झाली. झाला प्रकार समजताच गोंधळ उडाला. उपस्थित नागरिकांनी मग संतप्त होत त्या व्यक्तीस चांगलेच बदडले. ज्याने-त्याने हात धुवून घेत त्यास पोलिसांच्या हवाली केले.

हेही वाचा – वर्धा : रोटरीची व्यापार खेळी अन् कचरा बसला खेळाडूंच्या गळी, मैदान झाले डम्पिंग ग्राउंड

यापूर्वीही आरोपीने याच महिलेसोबत असभ्य वर्तन केल्याची बाब पुढे आली आहे. तिच्या मोबाईलवर पण संवाद साधण्याचा प्रयत्न केल्याचे समजून आल्यावर त्यावेळीसुद्धा त्यास चोप बसला होता. हा व्यक्ती गावात असभ्य वर्तन करण्यासाठी कुप्रसिद्ध आहे. महिलांचा तो पाठलाग करीत असल्याच्या तक्रारी आहेत.

हेही वाचा – यवतमाळ : मुख्याधिकारी डोल्हारकर यांच्या निलंबनासाठी काँग्रेसचे अर्धनग्न आंदोलन; आमदार येरावार यांनी बढतीसाठी पत्र दिल्याने संताप

सेलू पोलिसांनी आता त्याच्यावर विनयभंगाचा गुन्हा दाखल केला आहे. यावेळी त्याची झडती घेण्यात आली. तेव्हा त्याच्या मोबाईलमध्ये अनेक महिलांचे फोटो आढळून आलेत. पोलीस निरीक्षक तिरुपती राणे हे आता या विकृत आरोपीस कसे हाताळतात याकडे नागरिक व महिलांचे लक्ष लागले आहे. या घटनेने सर्वत्र चर्चेला उधाण आले आहे.