scorecardresearch

Premium

दुर्गम भागातील डॉक्टरांना २३ वर्षांपासून पदोन्नती नाही, आरोग्य विभागातील सावळा गोंधळ

आरोग्य खात्यातील दुर्गम, अतिदुर्गम, नक्षलग्रस्त भागात आरोग्य सेवा देणाऱ्या वैद्यकीय अधिकारी गट ‘ब’ संवर्गातील डॉक्टरांची प्रतीक्षा यादी अद्याप प्रसिद्ध झाली नाही. त्यामुळे या डॉक्टरांची गेल्या २३ वर्षांपासून पदोन्नती अडली आहे.

Doctors in remote areas
दुर्गम भागातील डॉक्टरांना २३ वर्षांपासून पदोन्नती नाही, आरोग्य विभागातील सावळा गोंधळ (प्रातिनिधिक छायाचित्र)

नागपूर: राज्याच्या आरोग्य विभागातील सावळा गोंधळ थांबण्याचे नाव घेत नाही. आरोग्य खात्यातील दुर्गम, अतिदुर्गम, नक्षलग्रस्त भागात आरोग्य सेवा देणाऱ्या वैद्यकीय अधिकारी गट ‘ब’ संवर्गातील डॉक्टरांची प्रतीक्षा यादी अद्याप प्रसिद्ध झाली नाही. त्यामुळे या डॉक्टरांची गेल्या २३ वर्षांपासून पदोन्नती अडली आहे.

शेवटच्या नागरिकांपर्यंत अविरत आरोग्यसेवा देण्याचे कार्य वैद्यकीय अधिकारी गट ‘ब’ करतात. त्यात बाह्यरुग्ण सेवा, आंतररुग्ण सेवा, सर्पदंश, आकस्मिक सेवा, गरजेनुसार शवविच्छेदन, प्रसूती. यासोबतच लसीकरण, जननी सुरक्षा योजना, प्रधानमंत्री मातृ वंदना योजना, आयुष्मान भारत कार्ड योजना आदींचे नियोजन हेच डॉक्टर करतात. परंतु, पदोन्नतीबाबत याच डॉक्टरांवर अन्याय होत आहे. पदोन्नतीचा लाभ न घेताही अनेक डॉक्टर सेवानिवृत्त झाले आहेत. ३०० जुने व ७०० नवीन असे सुमारे १ हजार वैद्यकीय अधिकारी पदोन्नतीच्या प्रतीक्षेत आजही आहेत. शासनाने तातडीने या डॉक्टरांची सेवाज्येष्ठता यादी जाहीर करून पदोन्नतीचा लाभ द्यावा, अन्यथा आंदोलन केले जाईल, असा इशारा वैद्यकीय अधिकारी महासंघाने दिला आहे.

financial subsidy for inter caste marriage couple
आंतरजातीय विवाहासाठी प्रोत्साहनपर अनुदान मिळेना; जोडप्यांना तीन वर्षांपासून प्रतीक्षा
Survey of more than four lakh Maratha families completed Pune news
पुणे : चार लाखांपेक्षा जास्त मराठा कुटुंबांचे सर्वेक्षण पूर्ण
100 percent cashless treatment in hospitals
आरोग्य विमा क्षेत्रासाठी रुग्णालयांत १०० टक्के ‘कॅशलेस’ उपचाराची पद्धत गेमचेंजर ठरणार; ‘या’ गोष्टी जाणून घ्या…
foundations destroyed in Titwala
टिटवाळ्यात ९० जोते भुईसपाट, बेकायदा चाळी उभारणीसाठी जोत्यांची उभारणी

हेही वाचा – नागपूर : ४८ लाखांच्या दागिने लुटीचा पर्दाफाश

“वैद्यकीय अधिकारी गट ‘ब’ यांच्या वैद्यकीय अधिकारी गट ‘अ’ म्हणून पदोन्नतीबाबतचा प्रस्ताव जून महिन्यातच राज्यातील सर्व उपसंचालक कार्यालयातून शासनाकडे आला. परंतु, सेवाज्येष्ठता यादी प्रसिद्ध झाली नाही. त्यामुळे वर्षानुवर्षे अतिदुर्गम भागात सेवा देणाऱ्या डॉक्टरांवर अन्याय होत आहे” – डॉ. अरुण कोळी, राज्य अध्यक्ष, महाराष्ट्र राज्य वैद्यकीय अधिकारी महासंघ.

हेही वाचा – नागपूर : शहरात देहव्यापार वाढला, दिल्ली-मुंबईच्या मॉडेल सेक्स रॅकेटमध्ये सक्रीय, तारांकीत हॉटेलमध्ये तरुणींचा मुक्काम

“सर्वजनिक आरोग्य विभागातील वैद्यकीय अधिकारी गट ‘ब’मध्ये पूर्वीचे सरळसेवा भरतीचे, ग्राम विकास विभागातून समावेश केलेल्या आणि २०१९ मध्ये अस्थायी श्रेणीतून समावेश केलेल्या अधिकाऱ्यांचा समावेश आहे. त्यापैकी पहिल्या दोन श्रेणीतील डॉक्टरांना ‘मॅट’ने वर्ग ‘अ’मध्ये घेण्याचे आदेश दिले आहेत. या डॉक्टरांचे गट ‘ब’मधील सेवाज्येष्ठता यादीत नाव टाकल्यास न्यायालयाचा पेच निर्माण होण्याची शक्यता आहे. त्यामुळे लवकरच नियमानुसार सेवाज्येष्ठता यादी लवकर प्रसिद्ध केली जाईल.” – महेश लाड, अवर सचिव, सार्वजनिक आरोग्य विभाग.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Doctors in remote areas have not been promoted for 23 years mnb 82 ssb

First published on: 10-12-2023 at 11:06 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×