लोकसत्ता टीम

गडचिरोली : गडचिरोली-चिमूर लोकसभेसाठी काँग्रेसकडून इच्छुक उमेदवार डॉ. नितीन कोडवते आणि डॉ. चंदा कोडवते या दाम्पत्याने ऐन लोकसभा निवडणुकीच्या रणधुमाळीत भाजपात प्रवेश केल्याने काँग्रेसच्या वर्तुळात खळबळ उडाली आहे. हे दाम्पत्य मागील काही वर्षापासून गडचिरोली काँग्रेसमध्ये सक्रिय होते. विरोधीपक्षनेते विजय वडेट्टीवार यांचे कट्टर समर्थक म्हणून त्यांची ओळख होती.

Rahul Gandhi Narendra Modi sharad pawar
“ज्यांना नकली म्हणायचं, त्यांच्यासमोरच हात पसरायचे”, मोदींनी शरद पावारांना दिलेल्या ऑफरवरून काँग्रेसचा टोला
Rahul gandhi and narendra modi (2)
VIDEO : “घाबरू नका…”, राहुल गांधींना रायबरेलीतून उमेदवारी मिळाल्यानंतर नरेंद्र मोदींचा खोचक टोला
Kolhapur, Modi, Congress,
कोल्हापूर : पराभवाच्या भीतीने मोदींचे काँग्रेसवर बेछूट आरोप; रमेश चेनिथला
sharad pawar group leader in ambernath wish former corporator who joined shiv sena best for his future political journey
काँग्रेसच्या फुटीर नगरसेवकांना शरद पवार गटाच्या शुभेच्छा; अंबरनाथमध्ये फलकबाजीमुळे शरद पवार गटातही गळतीची चर्चा
Akshay Kanti Bam Milind Deora Ashok Chavan leaders left Congress Lok Sabha polls
इंदूरमध्ये काँग्रेस उमेदवार भाजपात; निवडणुकीच्या तोंडावर काँग्रेसला सोडणाऱ्या नेत्यांची यादी
akshay bam
सूरतपाठोपाठ इंदूरमध्ये माघारनाट्य, काँग्रेस उमेदवाराकडून अर्ज मागे ; लोकशाहीला धोका असल्याचा पक्षाचा आरोप
Mahavikas Aghadi, Bhiwandi
भिवंडीत महाविकास आघाडीत बंडखोरीची चिन्हे, मतदारसंघात पहिल्याच दिवशी ५४ अर्जांचे वितरण
BJP Surat Candidate Wins Unopposed
काँग्रेसचे अर्ज बाद झाल्याने भाजपचा बिनविरोध विजय; पराभवाच्या भीतीने ‘मॅचफिक्सिंगचा आरोप

लोकसभा निवडणुकांच्या तारखा जाहीर झाल्यानंतर राज्यात सर्वत्र राजकीय वातावरण तापले आहे. पहिल्या टप्प्यातील मतदान १९ एप्रिलला होणार आहे. परंतु गडचिरोली-चिमूर लोकसभेसाठी महायुतीसह महाविकासआघाडीकडून अद्याप उमेदवार घोषित न झाल्याने दोन्हीकडे अस्वस्थता दिसून येत आहे. अशात आज, शुक्रवारी मुंबई येथे गडचिरोली काँग्रेसचे नेते डॉ. नितीन व डॉ. चंदा कोडवते यांनी प्रदेशाध्यक्ष चंद्रशेखर बावनकुळे यांच्या उपस्थितीत भाजपात प्रवेश केल्याने काँग्रेसच्या वर्तुळात खळबळ उडाली आहे. डॉ. नितीन कोडवते हे लोकसभेसाठी इच्छुक होते. तर डॉ. चंदा कोडवते यांनी २०१९ मध्ये काँग्रेसकडून गडचिरोलीतून विधानसभा लढवली होती. त्यांचा भाजपचे आमदार डॉ. देवराव होळी यांनी पराभव केला. विरोधीपक्षनेते विजय वडेट्टीवार यांचे कट्टर समर्थक म्हणून या दाम्पत्याची पक्षात ओळख होती. पण निवडणुका सोडल्यास ते राजकिय वर्तुळात फारसे सक्रिय नव्हते. आता डॉ. नितीन कोडवते लोकसभेसाठी इच्छुक होते पण उमेदवारी मिळण्याची शक्यता धूसर झाल्याने त्यांनी भाजपची वाट धरली, अशी चर्चा काँगेसच्या गोटात आहे.

आणखी वाचा- गडचिरोली : पोलिसाचे अपहरण करून हत्या करणाऱ्या जहाल नक्षल समर्थकास अटक

यासंदर्भात काँग्रेसचे जिल्हाध्यक्ष महेंद्र ब्राम्हणवाडे यांना विचारले असता ते म्हणाले, कोडवते यांचे नावे लोकसभेसाठी इच्छुकांच्या यादीत नव्हते. मागील काही दिवसांपासून पक्षात त्यांची कार्यपद्धती बघता ते भाजपात जाणार अशी शक्यता असल्यानेच पक्षातून त्यांचे नाव पुढे करण्यात आले नाही. सहा महिन्यापूर्वीच ही बाब आम्ही पक्षश्रेष्ठींना सांगितली होती. तसेही ते पक्षात केवळ निवडणुकांपुरते सक्रिय होत असल्याने त्यांचा पक्षाला उपयोग नव्हता. त्यामुळे त्यांच्या भाजप प्रवेशाने पक्षाचे कोणतेही नुकसान होणार नाही.