कानदुखीने नागपूरकर बेजार; सर्दीमुळे कान-नाक-घशातील वाहिनीत अडथळा

नागपूर : वातावरणातील बदलामुळे उपराजधानीत सध्या घरोघरी सर्दी, खोकल्याचे रुग्ण वाढले आहे. यापैकी अनेकांना कानदुखीचा त्रास होत असल्याचे निरीक्षण उपराजधानीतील डॉक्टर नोंदवत आहेत. या विषयावर नागपुरातील शासकीय वैद्यकीय महाविद्यालय व रुग्णालयाच्या (मेडिकल) औषधशास्त्र विभागाचे सहयोगी प्राध्यापक डॉ. प्रवीण शिंगाडे म्हणाले, नागपुरात यंदा गेल्या काही वर्षांच्या तुलनेत अधिक पाऊस पडला. त्यामुळे काही दिवसांपूर्वी तापमानात बदल होत थंडी वाढली होती. परंतु गेल्या दोन ते तीन दिवसांपासून पुन्हा तापमानात किंचित वाढ झाली.