नागपूर : कोंढाळी-अमरावती मार्गावर खुर्सापार महामार्ग पोलीस मदत केंद्रासमोरच भरधाव ट्रक आणि कारमध्ये अपघात झाला. या अपघातात दोन जण ठार तर दोन जण गंभीर जखमी झाले आहेत. हा अपघात आज सकाळी ९ वाजता झाला. नागपूरकडून भरधाव वेगात अमरावतीकडे जाणाऱ्या ट्रकने कारला धडक दिली. कार मधील दोन लोकांचा जागीच मृत्यू झाला. या अपघातात एक महिला व तिचा पती गंभीर जखमी झाले. आदित्य सुखदेव माने (३२ रा. मॉडेल कॉलनी द्वीप बंगला चौक पुणे) व बिसेन पवन मराठे (२२ मानेगांव बिरसा, जि. बालाघाट) अशी मृतांची नावे आहेत.
