scorecardresearch

Premium

गोंदिया : अतिवृष्टीचा फटका, पितृपक्षात भाजीपाल्याचे दर भिडले गगनाला

आख्यिकेनुसार विविध प्रकारच्या भाज्यांना मागणी असते. त्यात एक मिश्र भाजी ही अगत्याने असतेच परंतु, यंदा परतीचा पाऊस आणि त्यात अतिवृष्टीने भाजीपाला पिकांचे मोठ्या प्रमाणात नुकसान होवून विविध भाज्यांची बाजारात आवक घटली आहे.

vegetables
(संग्रहित छायाचित्र)

गोंदिया: गणेशोत्सव संपताच पितृपक्षाला २९ सप्टेंबर पासून सुरुवात झाली. पितृपक्षात पितरांना भोजन घालण्याची परंपरा आहे. यासाठी आख्यिकेनुसार विविध प्रकारच्या भाज्यांना मागणी असते. त्यात एक मिश्र भाजी ही अगत्याने असतेच परंतु, यंदा परतीचा पाऊस आणि त्यात अतिवृष्टीने भाजीपाला पिकांचे मोठ्या प्रमाणात नुकसान होवून विविध भाज्यांची बाजारात आवक घटली आहे. दरम्यान मागणी वाढल्याने भाजीपाल्याचे दर दुपट्टी, तिप्पटी ने वाढून गगणालाच भिडले आहेत. यात भाज्यांची चव वाढविणारा कोथींबीरही महागला आहे.

गणेशोत्सवाच्या पूर्वी भाजीपाल्याचे दर कमालीने पडले होते. वांगे, टोमॅटो, भेंडी आदींना १० ते २० रुपये प्रति किलोचा दर मिळत होता, परंतु, गणेशोत्सव सुरू होताच लळीत सुरू झाला आणि भाजीपाला कडाडला. भाजीपाल्याच्या दरात दुपट्टीने वाढ झाली आहे. आता पितृपक्षात तर भाववाढीचा आलेख चढतच आहे. नागरिकांना चढ्या दरानेच भाजीपाला खरेदी करावा लागत आहे. एकीकडे भाजीपाल्यांच्या मागणीत वाढ झाली आहे, तर दुसरीकडे पावसामुळे पालेभाज्या खराब होण्याचे प्रमाण वाढले आहे. त्यामुळे मागणीच्या तुलनेत पुरवठा घटल्याने भाज्यांच्या किंमती वाढल्याचे चित्र आहे.

new prisons in maharashtra
कैदी संख्या वाढल्याने राज्यात आणखी १३ नवी कारागृहे
Allegation of the farmers association of abuse of onion producers
कांदा उत्पादकांची कुचेष्टा केल्याचा शेतकरी संघटनेचा आरोप; निर्यातबंदी उठवल्याच्या अधिसूचनेची प्रतीक्षाच
Shortage of pulses and the challenge of food inflation
Money Mantra : क कमॉडिटीचा : कडधान्य व्यापाऱ्यांची ‘ऐशीतैशी’; आत्मनिर्भरतेचा चंग
elephant attack
हत्तींचा वाढता हैदोस; केरळमध्ये माणूस-प्राणी संघर्ष शिगेला, यामागचे नेमके कारण काय?

हेही वाचा >>> ओबीसींच्या हक्कासाठी २० दिवस अन्यत्याग करणारे रवींद्र टोंगे आहेत तरी कोण? जाणून घ्या…

पितृपक्षात भेंडी, दोडके चवळी शेंग आणि लाल भोपळ्याला अधिक मागणी असते. त्यामुळे ४० रुपये प्रति किलो असलेली चवळी शेंग आता ८० ते १०० रुपयांवर गेली आहे. दोडके ८० रुपये, वांगे ६० रूपयांवर पोहोचले आहे. वटाण्याची हिरवी शेंग तर चक्क २०० रुपये किलो पर्यंत मजल मारली आहे.भाज्या महागल्याने याचा सर्वसामान्य ग्राहकांना फटका बसत आहे. भाज्यांची आवक अशीच आणि मागणी पण अशीच राहिल्यास आणखी महिनाभर ही भाववाढ राहण्याचा अंदाज घाऊक भाजी विक्रेता संघाचे गोंदिया जिल्हा अध्यक्ष राजेश नागरीकर यांनी लोकसत्ता सोबत बोलताना सांगितले.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Hit by heavy rains prices of vegetables in pitrupaksha sar 75 ysh

First published on: 03-10-2023 at 12:44 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×