वाशिम : वाशिम-यवतमाळ लोकसभा मतदारसंघाच्या ५ वेळा खासदार राहिलेल्या भावना गवळी यांच्या उमेदारीवरून संभ्रम निर्माण झाला असून उमेदवारी अर्ज भरायला अवघे तीन दिवस शिल्लक असताना पक्षाकडून त्यांच्या नावाची घोषणा न झाल्याने शिवसेनेचे नेते, पदाधिकारी व कार्यकर्ते चांगलेच आक्रमक झाले आहेत. भावना गवळी यांना उद्या सायंकाळपर्यंत उमेदवारी जाहीर न केल्यास सामूहिक राजीनामे देण्याचा इशारा शिवसेना वाशिम जिल्हाप्रमुख महादेव ठाकरे यांनी मुख्यमंत्री एकनाथ शिंदे यांना दिला आहे.

शिवसेना पदाधिकारी व कार्यकर्त्यांच्या आढावा बैठकीत तसा ठराव घेऊन विद्यमान खासदार भावना गवळी यांना उमेदवारी जाहीर करण्याची मागणी शिवसैनिकांनी केली आहे. मागील २५ वर्षांपासून वाशिम-यवतमाळ लोकसभा मतदारसंघावर अधिराज्य गाजवणाऱ्या शिवसेनेच्या महिला नेतृत्वावर अन्याय का? असा प्रश्न उपस्थित करीत विरोधकांनी भावना गवळी यांच्या विरोधात खोटे सर्व्हे करून तिकीट कापण्याचे षडयंत्र रचल्याचा आरोप महादेव ठाकरे यांनी केला आहे. अमरावती जिल्ह्यात नवनीत राणा यांना महायुतीतील घटक पक्षांचाच विरोध असतानाही तिकीट दिले जाते, मात्र भावना गवळी यांचे हेतुपुरस्सर खच्चीकरण केले जात आहे, असे ते म्हणाले.

No place on platform for Modis meeting district head of Shinde group Arvind More resigns in Kalyan
मोदींच्या सभेसाठी व्यासपीठावर स्थान नाही, कल्याणमधील शिंदे गटाचे जिल्हाप्रमुख अरविंद मोरे यांचा राजीनामा
Eknath Shinde, ravindra waikar,
अडचणीच्या वेळी मुख्यमंत्री एकनाथ शिंदे यांनी मदत केल्यानेच पक्षप्रवेश, रवींद्र वायकर यांची सारवासारव
Delhi CM Arvind Kejriwal
दिल्लीचे मुख्यमंत्री अरविंद केजरीवाल यांना दिलासा नाहीच, न्यायालयीन कोठडीत २० मे पर्यंत वाढ
Rajan Vichare warn to the Chief Minister Eknath shinde says do not mess with me
“नादी लागू नका, प्रकरणे बाहेर काढेन”, राजन विचारे यांचा मुख्यमंत्र्यांना इशारा
cm eknath shinde big statement about Anand Dighe says Dighe was upset after being asked to resign while in the hospital
मुख्यमंत्र्यांचे आनंद दिघेंबाबत मोठे वक्तव्य, “रुग्णालयात असताना पद सोडायला सांगितल्याने दिघे बैचेन होते…”
cbi likely to issue blue corner notice against prajwal revanna in sex scandal case
प्रज्ज्वलविरोधात सीबीआयची ‘ब्ल्यू कॉर्नर नोटीस’? राहुल गांधी यांचे मुख्यमंत्री सिद्धरामय्यांना पत्र; पीडितांना सहाय्याचे आवाहन
Ganesh Naik, Thane, eknath shinde,
गणेश नाईक यांची ठाणे लोकसभेच्या उमेदवारीवरून प्रतिक्रिया, मुख्यमंत्र्यांना भेटलो, हस्तांदोलन झाले आणि…
Eknath Shinde Chhagan Bhujbal (1)
अमोल कोल्हेंविरोधात शिरूरमधून लोकसभेची ऑफर होती? भुजबळ म्हणाले, “मुख्यमंत्र्यांनी मला…”

हेही वाचा – बुलढाण्यात महायुतीत महाफूट, भाजप लोकसभा प्रमुखांचे बंड; उमेदवारी अर्ज दाखल

हेही वाचा – ‘एमपीएससी’च्या मुलाखतीत गुण वाढवून देण्यासाठी ‘निनावी’ फोन, पडद्यामागे कोण…

आढावा बैठकीदरम्यान शिवसेना पदाधिकाऱ्यांनी आक्रमक होत जिल्हाप्रमुखांना उमेदवारीसंदर्भात प्रश्न केले. दरम्यान, दोन दिवसांपूर्वी शिवसेना पदाधिकारी यांनी खासदार भावना गवळी यांच्या नेतृत्वात मुख्यमंत्री एकनाथ शिंदे यांची भेट घेतली होती. यावेळी मुख्यमंत्र्याच्या ‘वर्षा’ या निवासस्थानी पालकमंत्री संजय राठोड यांची देखील उपस्थिती होती. पालकमंत्री संजय राठोड यांनी देखील भावना गवळी यांना समर्थन दिले असून विरोधकांकडून खोटी माहिती पसरवून खच्चीकरण केले जात असल्याचा आरोप केला. दरम्यान, भावना गवळी यांच्या व्यतिरिक्त कुणीही या मतदारसंघात निवडून येणार नाही त्यामुळे शिवसेनेचे व महायुतीचे नुकसान टाळण्यासाठी मुख्यमंत्री एकनाथ शिंदे यांनी तत्काळ भावना गवळी यांच्या नावाची घोषणा करावी, अशी मागणी शिवसेना पदाधिकारी व कार्यकर्त्यांनी केली आहे.