Akola Sexual Assault: धक्कादायक! १० वर्षीय चिमुकलीवर अत्याचार, ठार मारण्याची धमकी देऊन…

हेही वाचा : कारण राजकारण : नाना पटोलेंना मतदारसंघातच रोखण्याचे भाजपपुढे आव्हान

अकोला व वाशिम जिल्ह्यात मुलींच्या विनयभंग झाल्याच्या घटना घडल्या आहेत. त्यानंतर आता तरुणाने १० वर्षीय चिमुकलीवर अत्याचार करून जीवे मारण्याची धमकी दिल्याचा धक्कादायक प्रकार समोर आला. राज्यात मुली, युवती व महिलांच्या सुरक्षिततेचा प्रश्न ऐरणीवर आला आहे. तेल्हारा तालुक्यातील तक्रारदार कुटुंब शहरातील वल्लभनगर येथे नातेवाईकांकडे आले होते. त्यांच्यासोबत १० वर्षांची पीडित मुलगी देखील आली होती. ते अकोला तालुक्यातील तामसवाडी गावात देखील गेले होते. या गावात आरोपी नराधम तरुणाने अत्पवयीन मुलीवर लैंगिक अत्याचार केल्याचा धक्कादायक प्रकार घडला. यासंदर्भात कुणालाही सांगितल्यास आरोपीने पीडितेला ठार मारण्याची धमकी सुद्धा दिली.

हेही वाचा : नागपूर : रामझुला हिट अँड रन प्रकरण; आरोपी रितू मालू धनाढ्य असल्याने पोलिसांकडून तपासात उणिवा…

दरम्यान, आई-वडील काम आटोपून घरी परतल्यानंतर पीडितेने तिच्यासोबत घडलेला प्रकार पालकांना सांगितला. या अगोदर साधारणत: एक वर्षापूर्वी तक्रारदार यांच्या तेल्हारा तालुक्यातील गावात देखील आरोपी तरुणाचे पीडितेवर अत्याचार केला होता. चिमुकल्या मुलीने हे सर्व सांगताच आई-वडिलांना मोठा धक्का बसला. त्यांनी तातडीने अकोट फैल पोलीस ठाण्यात धाव घेतली. पोलीस ठाण्यात तक्रार दाखल केली.

या प्रकरणी पोलिसांनी पीडितेची जबानी घेऊन तात्काळ अत्याचार आणि बाल संरक्षण कायद्यांतर्गत आरोपीवर गुन्हा दाखल केला. नराधम आरोपीचा शोध घेऊन त्याला वल्लभनगर येथून अटक केली आहे. या प्रकरणात महिला पोलीस अधिकारी सखोल तपास करीत असल्याची माहिती अकोट फैल पोलीस ठाण्याचे प्रभारी गजानन राठोड यांनी दिली. विकृत मनोवृत्तीमुळे अत्याचाराच्या घटनांमध्ये सातत्याने वाढ होत असल्याचे चित्र आहे.