चंद्रपूर : वीज केंद्राच्या वसाहतीच्या एका नाल्यावरील पुलावर दोन वाघ रस्ता पार करताना दिसल्याने खळबळ उडाली आहे. वीज केंद्र परिसरात पुन्हा वाघाचे दर्शन झाल्याने सतर्कतेचा इशारा देण्यात आला आहे. वीज केंद्र परिसरातील एक कुटुंब मित्राच्या मुलीचा संगीत/हळदीचा कार्यक्रम आटोपून घरी परत जाताना वसाहती जवळील नाल्याच्या पुलावर रात्री १२.३० वाजता दोन मोठे वाघ रस्ता ओलांडताना बघितले. वाघ रस्ता पार करीत असतानाचा व्हिडिओ समाज माध्यमावर सार्वत्रिक होत आहे. हेही वाचा : थंडीमुळे चंद्रपूर गारठले, सर्वत्र हुडहुडी वीज केंद्र वसाहत परिसरात वाघ आहे. वीज केंद्र वसाहत परिसराला ताडोबा व्याघ्र प्रकल्पाच्या जंगलाचा भाग लागून आहे. तेथूनच वाघ वीज केंद्र परीसरात येतात. वीज केंद्र परिसरात मोठं झुडपी जंगल आहे. तसेच एक नाला देखील तेथून वाहतो. त्यामुळेच या परिसरात वाघ सातत्याने दिसत आहेत.
