माहिती विभागाची पदभरती सहा महिन्‍यांपासून रखडली; उमेदवारांमध्‍ये रोष

महाराष्ट्र लोकसेवा आयोगाने ३० डिसेंबर २०२२ रोजी पद भरतीची जाहिरात प्रसिद्ध केली. मात्र, त्याच्या दुसऱ्या दिवसापासून वाद सुरू झाला होता. पत्रकारितेत पदव्युत्तर पदवी घेतलेल्या विद्यार्थ्यांना या पदांसाठी अर्ज करता येत नव्हता. त्यामुळे परीक्षेची तारीख जाहीर करण्यात येत नव्हती. मात्र हा वाद मिटूनही गेली सहा महिने परीक्षेची तारीख जाहीर होत नसल्याने विद्यार्थी हवालदिल झाले आहेत. सन २००७ नंतर ही सर्वात मोठी भरती प्रक्रिया होत आहे. गेली पंधरा वर्षे भरती झालेली नाही. त्यामुळे ही भरती प्रक्रिया लवकरात लवकर व्हावी अशी मागणी विद्यार्थ्यांकडून केली जाते आहे.