वाशीम : जिल्ह्यातील पोलीस व जनतेत सलोखा वृद्धिंगत करून घटना घडामोडींवर लक्ष ठेवण्यासाठी तसेच पोलीस अधिकारी व अंमलदारांचे शारीरिक व मानसिक स्वास्थ सुदृढ व्हावे, याहेतूने वाशीम पोलिसांनी ‘सायकल पेट्रोलिंग’ चा अभिनव उपक्रम सुरू केला आहे. हेही वाचा >>> नागपूर : जिवंत असताना देशसेवा केली, जग सोडतानाही आले समाजाच्या कामी अमरावती परिक्षेत्राचे विशेष पोलीस महानिरीक्षक जयंत नाईकनवरे यांच्याहस्ते हिरवी झेंडी दाखवून या मोहिमेचा शुभारंभ करण्यात आला. शहरातील अरुंद रस्ते व गल्लीबोळातून सायकलद्वारे पेट्रोलिंग करणे सहज शक्य होणार असून गुन्हे नियंत्रण व प्रतिबंध करण्यास मदत होण्याची आशा पोलीस विभागाला आहे. सायकल पेट्रोलिंगच्या माध्यमातून पोलीस अधिकारी व अंमलदारांना कर्तव्याबरोबरच शारीरिक व मानसिक स्वास्थाची सांगड घातली आहे. ‘सायकल पेट्रोलिंग’ करिता ६ तालुक्यातील पोलीस स्टेशन स्तरावर ३ तर इतर ७ पोलीस स्टेशन स्तरावर २ अशा एकूण ३२ सायकलींचे वाटप करण्यात आले आहे. यावेळी जिल्हा पोलीस अधीक्षक बच्चन सिंह यांच्यासह अधिकारी उपस्थित होते.
