बुलढाणा: कृषिमंत्री अब्दुल सत्तार ‘बॅकफूट’वर; सिंदखेडराजाचा दौरा केला रद्द, संभाव्य संघर्षही टळला

हेही वाचा >>> नागपूर : हिवाळी अधिवेशनाकरिता तात्पुरत्या स्वरुपातील भरतीसाठी तरुणांना आवाहन; २४ नोव्हेंबर अर्जाची अखेरची तारीख

कृषिमंत्री सत्तार यांनी खा. सुळे यांच्याबद्दल केलेल्या बेताल वक्तव्याने राज्यात राजकीय वादळ उठले. आजही राष्ट्रवादीकडून राज्यभरात आंदोलन केले जात आहे. बुलढाणा जिल्ह्यातही याचे हिंसक पडसाद उमटले. माजी मंत्री राजेंद्र शिंगणे यांनी सत्तार यांना मंत्रिमंडळातून काढण्याची मागणी मुख्यमंत्री एकनाथ शिंदे यांच्याकडे केली. बुलढाणा तालुका राष्ट्रवादीने तर जोपर्यंत माफी नाही तोपर्यंत जिल्हा बंदीचा इशारा दिला. अशातच, ना. सत्तार यांचा ८ तारखेचा जिल्हा दौरा जाहीर झाला.  तो केवळ सिंदखेडराजा तालुक्यापुरता मर्यादित होता. मंगळवारी सकाळी १० वाजता मातृतीर्थ सिंदखेडराजा येथील राजे लखुजी जाधव यांच्या राजवाड्यातील जिजाऊ जन्मस्थळाचे ते दर्शन घेणार होते. राजमातेच्या दर्शनानंतर ना. सत्तार चांगेफळ येथे आयोजित  भागवत सप्ताहाला हजेरी लावून  सिल्लोडकडे कूच करणार होते. मात्र, आजही शांत न झालेल्या राजकीय वादळामुळे त्यांनी हा दौराच रद्द केला. यामुळे ना. सत्तार आणि राष्ट्रवादीतील  संभाव्य राजकीय संघर्ष टळला.