अनेकांचे संसार उद्ध्वस्त, तरीही अवैध दारु विक्रेते मोकाटच…

अवैध दारु विक्रेत्यावर काही काळ कारवाईचा बडगा उगारला जातो नंतर पुन्हा परिस्थिती ‘जैसे थे’ राहते.

वाशिम

December 22, 2023 13:56 IST

Many women expressing anger illegal liquor sold no action washim

अनेकांचे संसार उद्ध्वस्त, तरीही अवैध दारू विक्रेते मोकाटच... (Photo- Financial express)

वाशिम: अनेक कुटुंब दारुमुळे उद्ध्वस्त होत आहेत. याची सर्वाधिक झळ घरातील, महिला मुलांना सोसावी लागते. गावागावात राजरोसपने अवैध दारु विक्री होत आहे. याविरोधात महिलांकडून अनेकदा पोलिसांना निवेदने, तक्रारी झाल्या. धरणे झाली, ग्रामपंचायतीनी ठराव घेतले गेले, तरीही जिल्ह्यात सर्रास अवैध दारु विक्री होत असून कारवाई होत नसल्याने महिला वर्गात संताप व्यक्त केला जात आहे.

काही दिवसापूर्वी जिल्हाधिकारी कार्याल्यासमोर जिल्ह्यातील विचारवंत, प्राध्यापक, सामाजिक कार्यकर्ते, सरपंच तसेच विविध क्षेत्रातील नामवंतानी धरणे आंदोलन करून जिल्ह्यातील अवैध दारुविक्री बंद करावी, व्यसनमुक्ती कृती समिती गठीत करावी यासाह अनेक महत्वपूर्ण मागण्या केल्या. यापूर्वी अनेक ठिकाणी महिलांनी पोलीस विभागाना तक्रारी देखील केल्या व नुकताच वाशिम तालुक्यातील अडोळी ग्रामपंचायतने दारु बंदीचा ठराव घेतला. तरीही जिल्ह्यातील अनेक भागात अवैध दारु विक्री सुरूच आहे. यामध्ये आता नवे युवकही भरडला जात आहे.

हेही वाचा… धक्कादायक! पैशासाठी जन्मदात्यांनीच पोटच्या पोरीला देहव्यापारात ढकलले; आई-वडिलांसह ६ जणांविरोधात गुन्हा

दारुमुळे अनेकांचे संसार उद्ध्वस्त होत आहेत. मात्र अवैध दारु विक्रेत्यावर काही काळ कारवाईचा बडगा उगारला जातो नंतर पुन्हा परिस्थिती ‘जैसे थे’ राहते. त्यामुळे जिल्ह्यातील अवैध दारु विक्री कायमची बंद करावी, यासाठी जिल्ह्यात दारु मुक्ती आंदोलन हाती घेण्यात आले असून ज्येष्ठ विचारवंत प्रा. हरिभाऊ क्षीरसागर यांची जिल्हाध्यक्ष म्हणून निवड करण्यात आली आहे. यामध्ये विविध क्षेत्रातील नागरिक सहभागी झाले असून पोलीस व प्रशासनातील अधिकाऱ्यांनी पुढाकार घेण्याची अपेक्षा व्यक्त केली जात आहे.

First published on: 22-12-2023 at 13:56 IST