नागपूर : नागपूर विभागाच्या विशेष तपासणी मोहिमेत २००० हून अधिक प्रवासी विनातिकीट प्रवास करताना आढळले. त्यांच्याकडून १४ लाखांहून अधिक दंड वसूल करण्यात आला. मध्य रेल्वेच्या नागपूर विभागाने तिकीट तपासणी मोहीम उघडली होती. ही मोहीम २७ एप्रिल २०२४ रोजी सुरू करण्यात आली. यात अवैध तिकीट किंवा अनियमित तिकिटांवर प्रवास करणाऱ्या प्रवाशांना लक्ष्य करण्यात आले. विनातिकीट प्रवास करणे किंवा अनियमित प्रवास करणाऱ्यांना एकूण २२१७ प्रवाशांना पकडण्यात आले. त्यांच्याकडून १४ लाख २७ हजार १७५ रुपये दंड वसूल करण्यात आला. ही मोहीम नागपूर विभाग अशीच सुरू ठेवणार आहे. रेल्वे अधिकारी प्रवासी जनतेला तिकीट नियमांचे पालन करण्याचे आणि अनियमित प्रवास करू नये, असे आवाहन रेल्वेने केले आहे.
