Pune Porsche Crash Latest Updates : पुण्यातील कल्याणीनगर येथे भीषण अपघातात दोन तरुणांचा हाकनाक बळी गेला. पोर्श या गाडीने या जोडप्याच्या दुचाकीला धडक दिल्याने हा अपघात घडला. ही पोर्श गाडी अल्पवयीन मुलगा चालवत होता. पुण्यातील प्रसिद्ध बिल्डरचा हा मुलगा असल्याचं समोर आलं आहे. दरम्यान, पुण्यातील ही प्रसिद्ध व्यक्तिमत्व असल्याने त्यांना या प्रकरणात व्हिआयपी ट्रिटमेंट दिली जात असल्याचा आरोप केला जातोय. तसंच, या अल्पवयीन मुलाचे मद्यप्राशन करतानाचेही व्हिडिओ समोर येत आहे. यावरून पुण्याचे पोलीस आयुक्त अमितेश कुमार यांनी पत्रकार परिषद घेऊन सविस्तर माहिती दिली आहे.

“या प्रकरणाच्या तपासणीसाठी पथक नेमण्यात आले आहे. युद्धपातळीवर सीसीटीव्ही फुटेज तपासण्यात येत आहे. सामग्री, अल्कोहोल आदी सर्व दृष्टीकोनातून चौकशी करण्यात येणार. या प्रकरणातील कोणताही निगेटिव्ह रिपोर्ट आलेला नाही. ब्लडचे रिपोर्ट आलेले नाहीत”, असं पोलीस आयुक्त म्हणाले.

आणखी वाचा
sadhguru jaggi vasudev isha foundation
“आम्ही कुणालाही लग्न करायला वा संन्यासी व्हायला सांगत नाही”, जग्गी वासुदेव यांच्या ‘इशा फाऊंडेशन’चं ‘त्या’ आरोपांवर स्पष्टीकरण!
aarya jadhao missing in Bigg boss marathi reunion
Bigg Boss Marathi 5: सर्व एलिमिनेटेड सदस्यांची घरात…
Nitin Gadkari
Nitin Gadkari : “अनुदानाच्या पैशांची शाश्वती नाही, कारण लाडकी बहीण योजना…”, नितीन गडकरींच्या विधानाची चर्चा
praful patel on raj thackeray ladki bahin statement
राज ठाकरेंची लाडकी बहीण योजनेवर अप्रत्यक्षरित्या टीका; प्रफुल्ल पटेल म्हणाले, “ज्या लोकांना सरकारची…”
Raj Thackeray
Raj Thackeray : लाडकी बहीण योजनेबाबत राज ठाकरेंचं भाष्य, “महिलांना अशाप्रकारे पैसे देणं…”
BJP MP Nishikant Dubey. (File Photo)
Waqf Bill :भाजपा खासदार निशिकांत दुबेंचा गंभीर आरोप, “वक्फ बोर्डाच्या ‘त्या’ सूचना आणि हरकतींमागे ISI, चीन..”
vijay wadettivar
Vijay Wadettiwar : “…मग ब्रिजभूषण सिंह यांचे एन्काऊंटर का केले नाही?”; अक्षय शिंदे मृत्यू प्रकरणावरून विजय वडेट्टीवारांचं पुन्हा शिंदे सरकारवर टीकास्र!
Akshay Shinde Encounter
Akshay Shinde Encounter : बदलापूर लैंगिक अत्याचार प्रकरण : अक्षय शिंदेचा चकमकीत मृत्यू कसा झाला? पोलिसांनी सांगितला घटनाक्रम

दरम्यान, आरोपी मद्यप्राशन करत असल्याचे व्हिडिओ सोशल मीडियावर व्हायरल होत आहेत. याबाबत विचारले असता पोलीस आयुक्त म्हणाले, “आरोपीने मद्यप्राशन केले होते, दोन्ही सीसीटीव्ही फुटेज मिळाले आहेत. त्यात ते मद्यप्राशन करताना दिसत आहेत. त्यांनी ऑनलाईन पेमेंट केलं आहे. ही दारूची ऑनलाईन पेमेंट आहेत. यातून स्पष्ट झालंय की त्यांनी मद्यप्राशन केलं होतं. परंतु, रक्ताचा अहवाल आल्यानंतरच याचा खुलासा होईल.”

हेही वाचा >> पुणे पोर्श कार अपघातप्रकरणी स्थानिक आमदाराचा पोलिसांवर दबाव? सुनील टिंगरे यांनी संपूर्ण घटनाक्रमच मांडला!

“मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांचे फोन आले होते. पोलीस महासंचालक यांनीही सूचना दिली आहे. सर्वांची सूचना स्पष्ट आहे की पोलिसांना कडक भूमिका घ्यावी लागेल. प्रशासकीय कारवाई करत नाही तोवर दोषी आहेत त्यांच्याविरोधात कडक कारवाई व्हायला पाहिजे”, असंही ते म्हणाले.

दरम्यान, पुढील निर्णय येईपर्यंत अल्पवयीन आरोपीला बालसुधारगृहात पाठवण्याबाबतही न्यायालयात अर्ज करण्यात आला होता. परंतु, हा अर्जही न्यायालयाने फेटाळून लावला आहे. त्यामुळे, संबंधित आरोपीला प्रौढ आरोपीनुसार कलम ३०२ (हत्येचा गुन्हा) लावण्यासाठी प्रयत्न करण्यात येणार आहेत, अशीही माहिती अमितेश कुमार यांनी दिली.

आरोपीच्या वडिलांसह बार मालक आणि मॅनेजरला अटक

पुण्यातील पोर्श कार अपघात प्रकरणी आता पोलिसांकडून कारवाई करण्यात आली असून अल्पवयीन आरोपीच्या वडिलांनंतर आता बार मालकासह मॅनेजरला अटक करण्यात आली आहे. आरोपी १७ वर्षांचा अल्पवयीन असताना त्याला दारु देण्यात आली, असा आरोप त्यांच्यावर करण्यात आला आहे.