अनैसर्गिक अत्याचाराला विरोध केल्याने खून

पुराणिकला आई-वडील, भाऊ  आहेत. तो अविवाहित असून रस्त्यावर भंगार वेचून उदरनिर्वाह करीत असे. शनिवारी मध्यरात्री भंगार वेचत वेचत तो व्हीएनआयटीच्या गेटजवळ पोहचला. त्यावेळी तेथे फुटपाथवरील झोपडीत आरोपी मारुती गजानन वरठी (४२) आणि पुरण किसन खाडे (५८) हे झोपले होते. झोपण्यापूर्वी मारुती आणि पुरण यांनी अभ्यंकरनगर रोडवरील कप्पा नावाच्या हॉटेलमध्ये चोरी करण्याचा प्रयत्न केला. परंतु, त्यांना यश आले नाही. त्यामुळे दोघांनीही कप्पा हॉटेलच्या शेजारी असलेल्या एका हॉटेलचे कुलूप तोडले. त्या हॉटेलमधून त्यांनी दोन हजार रुपये आणि तीन चाकू चोरले. चोरी करून नुकतेच दोघेही घटनास्थळी झोपले होते. त्यातच मृत पुराणिक हा देखील पुरणजवळ झोपला. पुरणने त्याच्यावर अनैसर्गिक अत्याचार करण्याचा प्रयत्न केला. पुराणिकने विरोध केल्याने चोरून आणलेल्या चाकूने त्याच्या छातीवर वार करून त्याला जागीच ठार केले. त्यानंतर त्याचा मृतदेह चादरीत गुंडाळून तेथेच ठेवला होता. दुसऱ्या दिवशी म्हणजे रविवारी ही घटना उघडकीस आली. त्यापूर्वी बजाजनगर पोलिसांनी मारुती आणि पुरण यांना ताब्यात घेतले होते. मात्र, मृताला ते ओळखत नव्हते. दोन दिवस होऊ नही पुराणिक घरी न आल्याने त्याच्या नातेवाईकांनी सोमवारी इमामवाडा पोलीस ठाण्यात तRोर केली होती. ही माहिती बजाजनगर पोलिसांना समजताच पोलिसांनी पुराणिकच्या नातेवाईकांना मेडिकलमध्ये नेले असता त्यांनी पुराणिकचा मृतदेह ओळखला. पोलिसांनी दोन्ही आरोपींना न्यायालयात हजर करून त्यांची चार दिवसांची पोलीस कोठडी घेतली.