फडणवीसांच्या काळात एमआयडीसीमध्ये केवळ ११ उद्योग!

२०१४  ते मार्च २०१८या फडणवीस सरकारच्या कार्यकाळात केवळ ११ उद्योग आले.

बुटीबोरीत आठ, हिंगणा एमआयडीसीत तीन उद्योगांचा प्रारंभ; केवळ ४ हजार ४१३ जणांना रोजगार मिळाला 

अविष्कार देशमुख, नागपूर

२०१४ साली फडणवीस सरकार सत्तेत येताच पुढील पाच वर्षांत नागपूरच्या उद्योग क्षेत्राचा वेगाने विकास होईल, असा दावा सरकारकडून केला जात होता. नागपूरकरांनाही अशीच अपेक्षा  होती. मात्र प्रत्यक्षात जे दिसतेय ते या दाव्याच्या अगदी उलट आहे. उद्योग संचालनालयाकडून मिळालेल्या आकडेवारीनुसार, महाराष्ट्र औद्योगिक विकास महामंडळ (एमअयडीसी) बुटीबोरी व हिंगणा येथे एप्रिल २०१४  ते मार्च २०१८या फडणवीस सरकारच्या कार्यकाळात केवळ ११ उद्योग आले. याच कालावधीत  केवळ ४ हजार ४१३ जणांनाच रोजगार मिळाला.

पंचतारांकित बुटीबोरी एमआयडीसीमध्ये २०१४  ते मार्च २०१८ च्या कालावधी दरम्यान केवळ आठ उद्योग आणण्यात तत्कालीन फडणवीस सरकारला यश आले. यातून केवळ ३ हजार ६६ जणांना रोजगार मिळाला. हिंगणा एमआयडीमध्ये तर फक्त ३ उद्योग उभे राहू शकले. तेथे केवळ १ हजार ३४७ लोकांना रोजगार मिळाला. विशेष म्हणजे, रोजगार मिळालेल्यांमध्ये सर्वच  नागपूरचे आहेत असेही नाही. मिहानचे चित्रही यापेक्षा वेगळे नाही. फडणवीसांच्या कार्यकाळात मिहानमध्ये केवळ तीन कंपन्या आल्या. त्यामध्ये केवळ दोन हजार ३२३ जणांना रोजगार मिळाला. नागपूर जिल्ह्याचे चित्र बघितले असता तेही निराशाजनक आहे. जिल्ह्यात केवळ ९ उद्योग आले. गुंतवणुकीकडे  लक्ष टाकले असता एमआयडीसी बुटीबोरी येथे सीएट टायर लिमिटेड कंपनीने ४७० कोटींची सर्वात मोठी गुंतवणूक केली असून यामध्ये ७५० जणांना रोजगार मिळाल्याचे उद्योग संचालनालयाकडे असलेल्या आकडेवारीतून स्पष्ट होते.

उद्योग, गुंतवणूक व रोजगाराची स्थिती

बुटीबोरी एमआयडीसीतील उद्योग                  गुंतवणूक                                    रोजगार

१- इंडिगो डेनिम प्रा.लि.                                २१४.४६ कोटी                                 ५००

२- सुपेरिअर ड्रिंक्स प्रा.लि.                            २८४.७० कोटी                                 २००

३- शारदा ऑटो इंडस्ट्रीज                              १३६.७६ कोटी                                  ४००

४- सिएट टायर                                             ४७० कोटी                                       ७५०

५- साज फुड्स् प्रॉडक्ट प्र.लि                          १०४ कोटी                                       ६९५

६- सनविजय इन्फ्रास्ट्रक्चर्स                          २७१ कोटी                                      ७९०

७- नागपूर पॉलिफ्मिस् प्रा.लि.                        २० कोटी                                       ५०

८- इनोव्हेटिव्ह टेक्सटाईल्स लि.                     ६० कोटी                                       २००

हिंगणा एमआयडीसीतील उद्योग                गुंतवणूक              रोजगार

१- सिबीस्को फुड्स् प्रा.लि.                             ३५.८० कोटी            ५६२

२- एॅक्सेल कंट्रोिलकेज प्रा.लि.                       १०५ कोटी              ६००

३- वैभव प्लास्टिमोडय़ुलस् प्रा.लि.                    १६ कोटी              १८५

मिहान येथील उद्योग                               गुंतवणूक       रोजगार

१- लुपीन लि.                                              २८ कोटी         १२३

२- टीसीएस                                            २०६ कोटी             १५००

३- हॅक्सवेअर पीएसपी                                 ४० कोटी          ७००

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नागपूर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Only 11 industries in nagpur midc during devendra fadnavis zws

Next Story
‘तो’ पोपट १५ दिवसांपासून वन कोठडीतच
ताज्या बातम्या