scorecardresearch

Premium

बैल पोळ्यावर महागाईची ‘झूल’; ‘सर्जा-राजा’चा साजश्रुंगार महागला; जाणून घ्या बाजारातील स्थिती

बळीराजाच्या आयुष्यातील अत्यंत महत्त्वाचा सण पोळा अवघ्या दोन दिवसांवर येऊन ठेपला आहे. शेतकरी आपल्या लाडक्या ‘सर्जा राजा’चा साजश्रुंगार करण्यासाठी धडपडत आहे. मात्र, महागाईमुळे शेतकऱ्यांना आर्थिक फटका सहन करावा लागत आहे.

pola celebration
बैल पोळ्यावर महागाईची ‘झूल’; ‘सर्जा-राजा’चा साजश्रुंगार महागला; जाणून घ्या बाजारातील स्थिती (छायाचित्र – लोकसत्ता टीम/ग्राफिक्स)

गोंदिया : बळीराजाच्या आयुष्यातील अत्यंत महत्त्वाचा सण पोळा अवघ्या दोन दिवसांवर येऊन ठेपला आहे. शेतकरी आपल्या लाडक्या ‘सर्जा राजा’चा साजश्रुंगार करण्यासाठी धडपडत आहे. मात्र, महागाईमुळे शेतकऱ्यांना आर्थिक फटका सहन करावा लागत आहे. यंदा साजश्रुंगार साहित्याच्या किंमतीत १५ ते २० टक्के वाढ झाल्याचे दिसते आहे.

शेतात शेतकऱ्यांच्या खांद्याला खांदा लावून काळ्या मातीत वर्षभर राबणाऱ्या सर्जा राजाच्या ऋणाची उतरण करण्यासाठी पोळा हा सण शेतकऱ्यांसाठी अत्यंत जिव्हाळ्याचा ठरत आला आहे. यानिमित्ताने बाजारपेठही सजली आहे. बैलांना पोळ्यानिमित्त सजावट करण्यासाठी आकर्षक वस्तू विक्रीसाठी बाजारात आल्या आहेत. मात्र, या सर्व साहित्यांच्या कच्च्या मालाची दरवाढ व त्यावर लागलेल्या जीएसटीमुळे बैलांचे श्रृंगार साहित्य १० ते २० टक्क्यांनी महागले आहे. त्यामुळे बैलपोळ्यावर महागाईची ‘झूल’ दिसून येत आहे. नुकताच पाऊस बरसल्याने यापूर्वी चिंतेत असलेल्या शेतकऱ्यांमध्ये उत्साहाचे वातावरण आहे. यामुळे सर्जाराजासाठी ‘होऊन जाऊ दे खर्च’, म्हणत शेतकरी सज्ज झाला आहे.

house burglars
घरफोडी करणाऱ्या टोळीचे जाळे उद्ध्वस्त, हसन कुट्टीसह १० गुन्हेगार ताब्यात
children stealing mobile phones nagpur
नागपूर : लहान मुले मोबाईल चोरी करायचे अन म्होरक्याला नेऊन द्यायचे…
Benefits of cuddling for health
हृदयाच्या आरोग्यापासून ते उत्तम झोपेपर्यंत ‘Cuddling’, ‘मिठी मारणे’ ठरते फायदेशीर! काय सांगतात डॉक्टर पाहा…
study group report recommended many benefits for maharashtra loom owners zws 70
राज्यातील यंत्रमागधारकांच्या प्रलंबित मागण्यांना अभ्यास समितीनकडून न्याय; अनेक चांगल्या शिफारशी 

हेही वाचा – गायीच्या पोटात ३३ कोटी देवतांचा वास म्हणून करतात अन्नदान; परंतु डॉक्टर म्हणतात, “यामुळे गायीचे पोट फुगून…”

हेही वाचा – बुलढाण्यातील सकल मराठा समाजाच्या महामोर्च्यात मनोज जरांगेंचे कुटुंबीय सहभागी होणार? आयोजकांचे जोरदार प्रयत्न

लाकडी नंदीचेही दर गगनाला

बैलपोळ्यानंतर दुसऱ्या दिवशी तान्हा पोळा साजरा केला जातो. या दिवशी लहान मुले आपापल्या लाकडी बैलाला सजवतात. तान्हा पोळ्यासाठी बाजारपेठेत लाकडी नंदी विक्रीस आलेले आहेत. मात्र, महागाईचा फटका लाकडी नंदीलाही बसला असून दर गगनाला भिडले आहेत. सध्या बाजारात एक हजारापासून तर १० हजार रुपयांपर्यंतचे लाकडी नंदीबैल विक्रीसाठी उपलब्ध आहेत.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Pola celebration affected by inflation sar 75 ssb

First published on: 12-09-2023 at 13:43 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×