scorecardresearch

Premium

पंतप्रधान मोदी यांचा पकोडे तळून निषेध, जळगावात युवक काँग्रेसतर्फे अनोखे आंदोलन

जळगाव शहरातील इच्छादेवी चौकात युवक काँग्रेसतर्फे केंद्र सरकारविरोधात अनोखे आंदोलन करीत निषेध करण्यात आला.

Protest against pm modi Jalgaon
पंतप्रधान मोदी यांचा पकोडे तळून निषेध, जळगावात युवक काँग्रेसतर्फे अनोखे आंदोलन (छायाचित्र – लोकसत्ता टीम)

जळगाव – देशासह राज्यात बेरोजगारी दिवसेंदिवस वाढत आहे. तरुणांच्या हातांना काम नाही. यामुळे पंतप्रधान नरेंद्र मोदी यांचा जन्मदिवस पकोडे तळत, राष्ट्रीय बेरोजगारी दिवस म्हणून साजरा करीत शहर-जिल्हा ग्रामीण युवक काँग्रेसतर्फे रविवारी अनोखे आंदोलन करण्यात आले.

शहरातील इच्छादेवी चौकात युवक काँग्रेसतर्फे केंद्र सरकारविरोधात अनोखे आंदोलन करीत निषेध करण्यात आला. जिल्हाध्यक्ष देवेंद्र मराठे यांनी आंदोलनाचे नेतृत्व केले. आंदोलनात युवक काँग्रेसचे शहराध्यक्ष मुजीब पटेल, अल्पसंख्याक आघाडीचे जिल्हा उपाध्यक्ष जाकिर बागवान, तेनू सोनार, आशिष पाटील, नयन कोळी आदी पदाधिकारी व कार्यकर्ते मोठ्या संख्येने सहभागी होते.

Case against Congress workers for burning effigy of Prime Minister
पुणे : पंतप्रधानांचा पुतळा जाळल्याप्रकरणी काँग्रेस कार्यकर्त्यांविरुद्ध गुन्हा
Sharad Pawar group protest
शेतकरी आंदोलकांच्या समर्थनार्थ शरद पवार गटाचे धरणे आंदोलन
Baba Siddiqui
बाबा सिद्दीकी : मुंबई काँग्रेसचा निष्ठावान अल्पसंख्याक चेहरा
karti chidambaram
कार्ती चिदंबरम यांना शिवगंगा मतदारसंघातून हटवण्याची मोहीम; अनेक नेते नाराज, तमिळनाडू काँग्रेसमध्येही पडणार फूट?

हेही वाचा – नाशिक: सारंगखेडा पुलाला भगदाड, नंदुरबार-धुळे वाहतूक मार्गात बदल

हेही वाचा – बेरोजगारीचा प्रश्न सोडविण्यासाठी विविध पातळीवर प्रयत्न – कौशल्य विकास कार्यक्रमात छगन भुजबळ

आंदोलनकर्त्यांनी केंद्र सरकारच्या विरोधात घोषणाबाजी केली. जिल्हाध्यक्ष मराठे म्हणाले की, २०१४ मध्ये नरेंद्र मोदी यांनी देशातील युवकांना दरवर्षी दोन कोटी नोकर्‍या देण्याचे खोटे आश्‍वासन दिले होते. आज मोदी सरकारला नऊ वर्षे पूर्ण होत आहेत; परंतु अद्याप देशातील कुठल्याही युवकाला मोदी सरकार रोजगार देऊ शकले नाही, असे सांगत त्यांनी युवक काँग्रेसचे राष्ट्रीय अध्यक्ष बी. व्ही. श्रीनिवास यांच्या आदेशानुसार आणि प्रदेशाध्यक्ष कुणाल राऊत यांच्या सूचनेनुसार जिल्ह्यातील प्रत्येक विधानसभा क्षेत्रात रविवारी युवक काँग्रेसतर्फे पंतप्रधान मोदी यांचा जन्मदिवस हा राष्ट्रीय बेरोजगार दिवस म्हणून साजरा करण्यात आल्याचे सांगितले.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Protest against pm modi by frying pakoras unique movement by youth congress in jalgaon ssb

First published on: 17-09-2023 at 18:11 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×