लोकसत्ता इम्पॅक्ट : ‘सखी वन स्टॉप सेंटर’मधील असुविधांवरून राज्य महिला आयोगाच्या सदस्या आभा पांडे यांची नाराजी

हेही वाचा- चंद्रपूर : मोलमजुरी, धुणीभांडी करणाऱ्या १०२ महिलांनी घेतले वैष्णोदेवीचे दर्शन; गुंदेचा कुटुंबीयांनी केले स्वप्न पूर्ण

या योजनेंतर्गत ओएससी हिंसाचार, जाती, वर्ग, धर्म, लैंगिक प्रवृत्ती किंवा कोणत्याही प्रकारच्या वैवाहिक स्थितीमुळे पीडित १८ वर्षांखालील मुलींसह सर्व महिलांना मदत केली जाते. यासाठी सरकारकडून लाखो रुपयांचा निधी दिला जातो. मात्र, सोयी-सुविधांअभावी पीडित महिलांना त्रास सहन करावा लागतो. अपुरे कर्मचारी असल्याने हे कार्यालय काही वेळच सुरू असते. त्यामुळे रात्री बेरात्री येणाऱ्या पीडितांना विविध अडचणींचा सामना करावा लागतो. याकडे लोकसत्ताने लक्ष वेधले होते. याची दखल घेत राज्य महिला आयोगाच्या सदस्या आभा पांडे यांनी जिल्ह्यातील वन स्टॉप सेंटरला भेट दिली. येथे महिलांकरिता आवश्यक असलेली किट आढळून आली नाही तसेच इतरही असुविधा दिसून आल्या. याबाबत त्यांनी जिल्हाधिकाऱ्यांना फोन करून तीव्र नाराजी व्यक्त केली आणि तातडीने आवश्यक त्या सर्व सोईसुविधा उपलब्ध करून देण्याची सूचना केली. यावेळी त्यांच्यासोबत सोनाली ठाकूर व इतर मान्यवर उपस्थित होते.

हेह वाचा- बुलढाणा : गद्दारांना धडा शिकवून ‘मातोश्री’वरील हल्ले रोखण्यास सज्ज व्हा; सुषमा अंधारेंचे शिवसैनिकांना आवाहन

दरम्यान, आज मी ‘सखी वन स्टॉप सेंटर’ला भेट दिली. तिथे अपुरे कर्मचारी आणि सोईसुविधा उपलब्ध नसल्याचे दिसून आले. ‘लोकसत्ता’ने वृत्त प्रकाशित करून याकडे शासनाचे लक्ष वेधले. त्यानुसार जिल्हाधिकारी यांना तातडीने सोईसुविधा उपलब्ध करून देण्याच्या सूचना केल्या आहेत, असे राज्य महिला आयोगाच्या सदस्या आभा पांडे यांनी सांगितले.