नागपूर: विरोधी गटातील आमदारांना तू निवडून कसा येतो हेच बघतो, असा दम देणाऱ्या उपमुख्यमंत्री अजित पवार यांनी लोकशाही नीट समजून घ्यावी, विधानसभा निवडणुकीत बारामतीमध्ये त्यांना हे कळेल, असा टोला विदर्भातील कॉंग्रेस नेते सुनील केदार यांनी लगावला.

केदार सध्या पुण्यात कॉंग्रेस उमेदवाराच्या प्रचारासाठी गेले आहेत. तेथे त्यांनी माध्यमांशी संवाद साधताना वरील वक्तव्य केले. लोकसभा निवडणुकीत विदर्भात कॉंग्रेसला घवघवीत यश मिळेल,असा विश्वास व्यक्त केला. अजित पवार हे विरोधी गटातील आमदारांना दम देत “तुम्ही विधानसभा निवडणुकीत निवडून कसे येतात हेच बघतो” असा इशारा देतात. याबद्दल केदार यांना विचारले असता ते म्हणाले, हा प्रकार योग्य नाही. ते उपमुख्यमंत्री आहेत. त्यांनी लोकशाही समजून घ्यायला हवी. आमदार लोकांमधून निवडून येतात. विधानसभा निवडणुका येऊ द्या, बारामतीमध्ये कळेल त्यांना.

Six months ago I told Ajit Pawar that I will not take up the post of guardian minister of Gondia says Dharmaraobaba Atram
पालकमंत्री पद झेपणार नाही, हे अजित पवारांना आधीच…
Uddhav Thackeray statement that he won in the people court now expect from the goddess of justice
जनतेच्या न्यायालयात जिंकलो, आता न्यायदेवतेकडून अपेक्षा; वर्धापनदिनी उद्धव ठाकरे यांचे वक्तव्य
Mahavikas aghadi
‘पारिजात फुलला दारी, फुले का पडती शेजारी?’, काँग्रेसच्या यशावर उद्धव ठाकरेंची मार्मिक प्रतिक्रिया
Lok Sabha Zilla Parishad Chairman to MP Smita Wagh
नव्या लोकसभेचे नवे चेहेरे: जिल्हा परिषद अध्यक्ष ते खासदार…, स्मिता वाघ ,जळगाव, भाजप
money, Congress district president,
“लोकसभा निवडणुकीत काँग्रेस जिल्हाध्यक्षांना सुपारी देण्याचा प्रयत्न,” प्रतिभा धानोरकर यांचा आरोप
Ajit Pawar Yugendra Pawar Sharad Pawar
शरद पवार बारामती विधानसभेत युगेंद्र पवारांना अजित पवारांविरोधात उभं करणार? जितेंद्र आव्हाड म्हणाले…
bhandara gondia lok sabha marathi news
भंडारा : भाजपनेच भाजप उमेदवाराला तोंडघशी पाडले, आगामी विधानसभेसाठी धोक्याची घंटा
Ramdas Tadas, ​​Amar Kale,
मोर्शीसह वर्धेने युतीची तर आर्वी, हिंगणघाट, धामणगाव, देवळीने राखली आघाडीची लाज

हेही वाचा – नागपूर : लग्नाचे आमिष देत अल्पवयीन मुलीवर अत्याचार; गर्भवती होताच प्रियकर फरार

भाजप नेते व उपमुख्यमंत्री देवेंद्र फडणवीस यांनी पुण्यात कॉंग्रेस हरणार असा विश्वास व्यक्त केला होता. त्यावर केदार यांनी प्रतिक्रिया दिली. फडणवीस भाजप नेते आहेत. त्यांना तसे बोलावेच लागते असे केदार म्हणाले. अशोक चव्हाण यांनी कॉंग्रेस सोडायला नको होती, असे केदार म्हणाले.

हेही वाचा – नागपूर : आमदार कृष्णा खोपडेंची आर्थिक फसवणूक, ठकबाजाने…

पंतप्रधान नरेंद्र मोदी यांनी कॉंग्रेसला पन्नासहून अधिक जागा मिळणार नाही, असे प्रचार सभेत सांगितले आहे. याकडे केदार यांचे लक्ष वेधले असता ते म्हणाले, पंतप्रधान काय म्हणाले यावर मी बोलणार नाही. पण देशातील लोकशाही वाचवण्यासाठी लोकांनी निर्णय घेतला आहे. केदार यांनी नागपूर जिल्ह्यातील रामटेक लोकसभा निवडणुकीत सर्व शक्ती पणाला लावली आहे. पहिल्या टप्प्यात येथे मतदान झाल्याने केदार इतर मतदारसंघात प्रचारासाठी बाहेर पडले आहेत.