scorecardresearch

Premium

नक्षलवाद्यांच्या दोन वरिष्ठ नेत्यांना अटक, गडचिरोलीतही होते सक्रिय; तेलंगणा पोलिसांची कारवाई

नक्षलवाद्यांसाठी हत्यार निर्मिती करणाऱ्या तांत्रिक समितीचा सदस्य असलेल्या वरिष्ठ नक्षलवादी नेत्याला पत्नीसह अटक करण्यात तेलंगणा पोलिसांना यश आले आहे.

Telangana Police arrested two senior leaders of Naxalites gadchiroli
नक्षलवाद्यांच्या दोन वरिष्ठ नेत्यांना अटक, गडचिरोलीतही होते सक्रिय; तेलंगणा पोलिसांची कारवाई

गडचिरोली : नक्षलवाद्यांसाठी हत्यार निर्मिती करणाऱ्या तांत्रिक समितीचा सदस्य असलेल्या वरिष्ठ नक्षलवादी नेत्याला पत्नीसह अटक करण्यात तेलंगणा पोलिसांना यश आले आहे. त्यांच्याकडून बनावट आधार कार्ड, बँक खात्याची कागदपत्रे, एक एटीएम कार्ड, दोन मोबाईल फोन, १.५८ लाख रोख आणि नक्षलवाद्यांच्या बैठकींशी संबंधित महत्वाची कागदपत्रे जप्त करण्यात आली आहे. ‘पीएलजीए’ सप्ताहाच्या पहिल्याच दिवशी दोघांना अटक झाल्याने नक्षलवादी चळवळीला धक्का बसल्याचे बोलल्या जात आहे.

डोंगा गंगाधर राव (८०) उर्फ नरसन्ना उर्फ बकन्ना उर्फ वेंगो दादा आणि त्यांची पत्नी भवानी (६०) उर्फ सुजाता उर्फ श्यामला उर्फ लक्ष्मी अशी दोघांची नावे असून गडचिरोली जिल्ह्याच्या सीमेला लागून असलेल्या मंचेरियाल जिल्ह्यातील इंदाराम गावातून त्यांना ताब्यात घेण्यात आले. रामगुंडम पोलिसांनी दिलेल्या माहितीवरून तेलंगणातील कोनसीमा जिल्ह्यातील रहिवासी असलेल्या गागांधरराव १९८० मध्ये नक्षलवादी चळवळीत सामील झाला होता. यादरम्यान त्याची भवानी हिच्याशी ओळख झाली. दोघेही चळवळीत सक्रिय होते. गंगाधरराव हा नक्षलवाद्यांच्या दंडकारण्य झोनमध्ये विशेष क्षेत्रीय समितीच्या तांत्रिक शाखेचा सदस्य होता. तर पत्नी भवानीकडे निधी संकलन, पोषाखांची व्यवस्था करणे आदी जबाबदारी होती. केंद्रीय समितीचा सदस्य चंद्रण्णा याच्या सूचनेवरून कार्यरत हे दोघेही तेलंगणा, छत्तीसगड, ओडिशा आणि झारखंडमधील माओवादी कारवायांमध्ये सहभागी होते. काही दिवसांपूर्वी इंदाराम येथे बनावट आधार कार्डच्या माध्यमातून राहायला आले. येथे त्यांनी छोटेसे घरदेखील बांधले होते.

yavatmal farmer leader marathi news, sikandar shah pm narendra modi
“पंतप्रधान नरेंद्र मोदी शेतकऱ्यांना तोंड कसे दाखविणार? उत्पन्न दुप्पट करण्याऐवजी निम्म्यावर आणले”, शेतकरी नेते सिकंदर शहा यांची टीका
bhagwant maan
पंजाबचे मुख्यमंत्री नव्या भूमिकेत; केंद्र आणि शेतकऱ्यांच्या चर्चेत मध्यस्थ म्हणून भगवंत मान यांची महत्त्वपूर्ण भूमिका
loksatta readers opinion on editorial readers reaction on loksatta news
लोकमानस : पक्षविस्तार नव्हे पक्षबुडीचा संकेत
Nikhil Wagle
ज्येष्ठ पत्रकार निखिल वागळे यांच्यावरील हल्ल्याचा विविध स्तरांतून निषेध

हेही वाचा >>>अकोला : अल्पवयीन मुलीवर अत्याचार; नराधमाला २० वर्षांचा कारावास

२ डिसेंबरपासून नक्षलवाद्यांचा ‘पीएलजीए’ सप्ताह सुरू झाला असून दोघेही यादरम्यान घातपात घडविण्याच्या तयारीत असल्याची माहिती पोलीस सूत्रांनी दिली आहे. परंतु आधीच त्यांना अटक करण्यात आल्याने नक्षल चळवळीला मोठा हादरा बसला आहे.गडचिरोलीतील सिरोंचा परिसरात होणाऱ्या नक्षलवाद्यांच्या बैठकांना ते उपस्थित राहायचे. त्यांना सहकार्य करणारा श्रीनिवास फरार असून त्याला पकडण्यासाठी तेलंगणा पोलिसांनी शोधमोहीम सुरू केली आहे. त्यांच्यावर गडचिरोली येथे कोणताही गुन्हा दाखल नसल्याचे पोलीस विभागाचे म्हणणे आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Telangana police arrested two senior leaders of naxalites gadchiroli ssp 89 amy

First published on: 02-12-2023 at 22:27 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×