scorecardresearch

Premium

चंद्रपूर : चिरीमिरीसाठी काम करणाऱ्या अधिकाऱ्यांची वडेट्टीवारांकडून कानउघाडणी

किरकोळ कामे घेऊन येणाऱ्या सर्वसामान्य ग्रामस्थांना चिरीमिरीसाठी वेठीस धरून कामे अडवणाऱ्या तसेच केवळ अर्थकारणासाठीच कामे करणाऱ्या अधिकारी व कर्मचाऱ्यांची राज्याचे विरोधी पक्षनेते विजय वडेट्टीवार यांनी चांगलीच कानउघाडणी केली.

Vijay Vadettivar warned officials
चंद्रपूर : चिरीमिरीसाठी काम करणाऱ्या अधिकाऱ्यांची वडेट्टीवारांकडून कानउघाडणी (छायाचित्र – लोकसत्ता टीम)

चंद्रपूर : किरकोळ कामे घेऊन येणाऱ्या सर्वसामान्य ग्रामस्थांना चिरीमिरीसाठी वेठीस धरून कामे अडवणाऱ्या तसेच केवळ अर्थकारणासाठीच कामे करणाऱ्या अधिकारी व कर्मचाऱ्यांची राज्याचे विरोधी पक्षनेते विजय वडेट्टीवार यांनी चांगलीच कानउघाडणी केली. भ्रष्ट अधिकारी व कर्मचाऱ्यांची गय केली जाणार नाही. अशी तंबी देत सिंदेवाही पंचायत समितीच्या आमसभेत अधिकाऱ्यांना चांगल्याच कानपीचक्या घेतल्या.

सिंदेवाही पंचायत समितीची आढावा सभा राज्याचे विरोधी पक्षनेते यांच्या उपस्थितीत झाली. सभेला सिंदेवाही तहसीलदार शुभम बहाकर, गटविकास अधिकारी अक्षय सुकरे, काँग्रेस जिल्हा महासचिव हरिभाऊ बारेकर, सिंदेवाही काँग्रेस तालुका अध्यक्ष रमाकांत लोधे, शहराध्यक्ष सुनील उट्टलवार, सिंदेवाही – लोनवाही नगरपंचायत अध्यक्ष स्वप्निल कावळे, माजी प. स. सदस्य राहुल पोरेड्डीवार, तथा सर्व विभागाचे अधिकारी, तालुक्यातील सरपंच, उपसरपंच काँग्रेस पक्षाचे पदाधिकारी कार्यकर्ते व तालुक्यातील विविध ग्राम खेड्यातील सर्वसामान्य नागरिक उपस्थित होते.

meetings between ola uber companies and cab drivers
ओला, उबरचा तिढा सुटेना! कॅबचालक भाडेवाढीच्या मागणीवर ठाम; जिल्हाधिकाऱ्यांच्या बैठकीकडे लक्ष
yavatmal farmer leader marathi news, sikandar shah pm narendra modi
“पंतप्रधान नरेंद्र मोदी शेतकऱ्यांना तोंड कसे दाखविणार? उत्पन्न दुप्पट करण्याऐवजी निम्म्यावर आणले”, शेतकरी नेते सिकंदर शहा यांची टीका
Naxalists support for farmers movement
नक्षलवाद्यांचा शेतकरी आंदोलनाला पाठिंबा, शत्रूसारखी वागणूक देणाऱ्या सरकारला धडा शिकवा; पत्रकाद्वारे आवाहन
study group report recommended many benefits for maharashtra loom owners zws 70
राज्यातील यंत्रमागधारकांच्या प्रलंबित मागण्यांना अभ्यास समितीनकडून न्याय; अनेक चांगल्या शिफारशी 

हेही वाचा – निजाम राजवटीतील नोंदीच्या आधारे जातीचे दाखले दिल्याने नवा वाद उफाळेल, राष्ट्रीय माळी महासंघाचे अध्यक्ष अविनाश ठाकरे यांचे मत

मनरेगाअंतर्गत मंजूर पांदण रस्ते, जि प शाळांना संरक्षण भिंत, गुरांचे गोठे, घरकुल योजना मार्फत लाभार्थ्यांच्या कामांची प्रगती देण्यात आलेली देयके, जलजीवन मिशनअंतर्गत पाणीपुरवठा विभागाच्या कामाची प्रगतीनिहाय माहिती, बांधकाम विभाग, शिक्षण विभाग, आरोग्य विभाग, पशुसंवर्धन, तसेच तालुक्यातील ग्रामपंचायतमधील विकास कामांच्या माहितीचा कसून आढावा यावेळी राज्याचे विरोधी पक्षनेते आमदार विजय वडेट्टीवार यांनी घेतला. यावेळी उपस्थित सरपंच व ग्रामस्थ यांनी मनरेगा व घरकुल विभाग यांचे चिरीमिरीसाठी देयके अडवणूक धोरण लक्षात आणून देताच सभा अध्यक्ष तथा विरोधी पक्षनेते आमदार विजय वडेट्टीवार यांनी दोन्ही विभागाचा चांगलाच खरपूस समाचार घेत चिरीमिरीसाठी कुठल्याही विभागाच्या अधिकाऱ्याने जर सर्वसामान्य जनतेस वेठीस धरण्याची यापुढे तक्रार प्राप्त झाल्यास त्या अधिकारी किंवा कर्मचारी यांची गय केली जाणार नाही अशी स्पष्ट तंबी दिली. सोबतच सरपंच म्हणजे गावाचा प्रथम नागरिक गाव विकासासोबतच अन्य वैयक्तिक योजनांचाही लाभार्थ्यांना लाभ मिळवून देण्यास पुढाकार सरपंचांनी घ्यावा, असे आवाहनही त्यांनी उपस्थित सरपंच यांना करून पक्षाच्या पदाधिकाऱ्यांना निर्देश दिले.

हेही वाचा – कुख्यात डॉन अरुण गवळी पुन्हा एकदा कारागृहाबाहेर, गवळीला मिळाली संचित रजा

तत्वतः शासन स्तरावरून ज्या जनकल्याणकारी योजना राबविल्या जातात या योजना पारदर्शकरित्या राबवून योग्य लाभार्थ्यांना योजनेचा लाभ देण्याचे काम अधिकाऱ्यांनी करावे, असे निर्देश राज्याचे विरोधी पक्षनेते आमदार विजय वडेट्टीवार यांनी उपस्थित पंचायत समितीच्या सर्व विभागाच्या अधिकाऱ्यांना दिले.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Vijay vadettivar warned the officials who work with bribes rsj 74 ssb

First published on: 27-09-2023 at 09:33 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×