पेन्शनधारकांनो सावधान! फरकाची रक्कम देतो असे सांगून लुबाडणूक

राज्यातील काही कोषागार कार्यालयातून निवृत्तीवेतन अथवा कुटुंब निवृत्ती वेतन म्हणजेच पेन्शनधारकांना अज्ञात व्यक्तींकडून संपर्क साधल्या जात आहे. आपणास सुधारित निवृत्ती वेतनाची फरक रक्कम मिळणार असून त्याअगोदर तुमची वसुली निघत आहे. ती रक्कम तात्काळ ऑनलाईन भरावी. जेणेकरुन तुमची फरक रक्कम तुम्हास मिळेल, असे हे भामटे फोन करुन सांगतात.या आमिषाला बळी पडून काहींनी अश्या व्यक्तींसोबत व्यवहार केल्याने त्यांची फसवणूक झाली.

आणखी वाचा

धक्कादायक! १२ वर्षांपासून एमबीबीएसची परीक्षा उत्तीर्ण करू न शकणाऱ्या बोगस डॉक्टरकडून रुग्णावर उपचार; ६० वर्षीय व्यक्तीचा मृत्यू

Bigg Boss Marathi 5: सर्व एलिमिनेटेड सदस्यांची घरात…

विश्लेषण : स्वायत्त संस्थांसाठी ‘समान धोरणा’चा स्पर्धा परीक्षार्थींना फटका कसा?

व्हायरल माय लॉर्डस : न्यायालयातील वर्तनाचा समाजमाध्यमी पंचनामा

‘नैसर्गिकच्या तुलनेत कृत्रिम हिऱ्यांना अनेकांगी मर्यादा’; तनिष्कचे उपाध्यक्ष अरुण नारायण यांचे प्रतिपादन

स्कॉलरशिप फेलोशिप: ‘विद्यार्थी साहाय्यक समिती, पुणे’; गरजू विद्यार्थ्यांचा पुण्यातला हक्काचा आधारवड

शहरबात… ॲनाच्या मृत्यूच्या निमित्ताने…

‘आरटीओ’तील संपात मध्यस्थ तेजीत! नागरिकांकडून राजरोस जादा पैशांची लूट सुरू; अधिकारी बघ्याच्या भूमिकेत

हेही वाचा…नागपूर : एमआयडीसीतील प्रिटींग शाई तयार करणाऱ्या कंपनीला आग

अश्या घटना घडू नये म्हणून राज्यात सावधानतेचा ईशारा राज्याच्या निवृत्तीवेतन संचालनालाय येथील उपसंचालक संगीता जोशी यांनी सर्व जिल्हा कोषागार कार्यालयास देत जनजागृती करण्याचे सूचित केले आहे. आता तसे आवाहन करण्यात येत आहे.जिल्हा कोषागाराच्या अधीनस्थ सर्व निवृत्तीवेतन धारकांना आवाहन करण्यात आले आहे की कोषागारमार्फत निवृत्तीवेतन किंवा सुधारित निवृत्तीवेतन तसेच इतर लाभ प्रदान करण्यात येतात.

लाभ देतांना कोणत्याही प्रकारे वसुली बाबत किंवा देण्यात येणाऱ्या रकमेबाबत फोन करुन कार्यालय संपर्क साधत नाही.ऑनलाईन व्यवहार पण होत नाही. कोषागार कार्यालय फक्त लेखी स्वरूपात पत्रव्यवहार केल्या जात असतो. आता काहींना फोन करुन ऑनलाईन रक्कम भरण्यास सांगितल्या जात असल्याचे प्रकार घडत असून तश्या तक्रारी प्राप्त होत आहे.मात्र कार्यालयातून असा फोन केल्या जात नाही किंवा कार्यालयातील कर्मचाऱ्यांस घरी पाठविल्या जात नाही.म्हणून कोणीही अश्या फोनला प्रतिसाद देवू नये.

हेही वाचा…पिस्तुलचा धाक दाखवून शारीरिक संबंधाची मागणी करणे भोवले, ठाणेदार…

फोन आल्यास सूचित करावे.शंका आल्यास कोषागार कार्यालयाशी प्रथम संपर्क करावा. तरीही निवृत्तीवेतनधारकांनी पैसे भरल्यास ती व्यक्तिगत जबाबदारी राहील, याची नोंद घ्यावी, असे खबरदार केल्या गेले आहे. कोणताही व्यवहार करण्यापुर्वी अथवा शंका आल्यास प्रथम कोषागार कार्यालयाशी संपर्क साधावा.ऑनलाईन, गूगल पे, फोन पे किंवा अन्य कुठल्याही इलेक्ट्रॉनिक्स माध्यमातून रक्कम भरण्यास सुचविल्या जात नसल्याचे जिल्हा कोषागार कार्यालयाने स्पष्ट केले आहे.