नागपूर: भरधाव कारने जात असताना स्टंटबाजी करणे दोन मित्रांच्या जीवावर बेतले. भरधाव कार झाडावर आदळली. या अपघातात दोघांचा मृत्यू झाला तर एक तरुण गंभीर जखमी झाला. हा अपघात शनिवारी मध्यरात्रीनंतर अंबाझरीत झाला. प्रणय रामेश्वर किरनाके (२२), गौरव दशरथ पेंदाम (२३) अशी मृतांची नावे आहेत. तर लिकांत कोमल कुलसुंगे (२३) गोंड मोहल्ला असे जखमीचे नाव आहे. प्रणय किलनाके हा लिकांत आणि गौरव यांच्यासह कारने फिरायला गेला होता. कँपस चौकातून स्वामी विवेकानंद स्मारकासमोरून जात होता. अंबाझरी उद्यानाकडे जात असताना रस्त्याच्या कडेला असलेल्या झाडाला कार धडकली. यात तिघेही जखमी झाले. हेही वाचा. सोलार कंपनीत स्फोट : ‘आता आम्ही कुणाच्या भरोशावर जगावं?’, आरतीच्या दिव्यांग आईवडिलांचा सवाल मात्र, गौरव आणि प्रणयचा उपचारादरम्यान मृत्यू झाला. तर लिकांतची प्रकृती चिंताजनक असून उपचार सुरु आहे. या प्रकरणी अंबाझरी पोलिसांनी गुन्हा दाखल केला आहे.
