साक्री तालुक्यातील अष्टाणे शिवारात चौघांनी मालमोटार अडवून चालकाला मारहाण केली. तसेच त्याच्याकडील दोन भ्रमणध्वनी बळजबरीने हिसकावले. या प्रकरणी साक्री पोलिसात गुन्हा दाखल झाला आहे.या बाबत चालक मोहम्मद सिद्दीकी शब्बीर अहमद (३७, रा.मालेगाव) याने पोलिसात तक्रार दिली. हेही वाचा >>>नाशिक: ठाकरे गटाच्या कार्यालयावर शिंदे गटाचे लक्ष, करारनाम्याच्या आधारे दावा सांगण्याचा मनसुबा तक्रारीनुसार चालक मालमोटार घेवून जात असताना अष्टाणे शिवारात मालवाहू मोटारीतून चौघे आले. त्यांनी मालमोटार अडवून चालकाकडील दोन भ्रमणध्वनी हिसकावून त्याला मालमोटारीसह रामपूर बारीच्या पुढे दोंडाईचा रस्त्याकडे घेवून गेले. तेथे चालकास लाकडी दांडक्याने मारहाण करून मालमोटारीतील सामानाची चोरी करण्याचा प्रयत्न केला. तसेच मालमोटारीच्या काचा फोडून नुकसान केले.
