दुधात भेसळ केल्यास खबरदार… चाळीसगाव, एरंडोलमध्ये कारवाई

जळगाव: दूध व दुग्धजन्य पदार्थांत होणाऱ्या भेसळीला पायबंद घालण्यासाठी स्थापन करण्यात आलेल्या जिल्हास्तरीय दूध भेसळ प्रतिबंधक समितीतर्फे धडक कारवाई मोहीम राबवित चाळीसगावातील आठ डेअऱ्यांतील भेसळयुक्त दूध नष्ट करुन चार डेअरी आस्थापनांवर कारवाई करण्यात आली. तसेच एरंडोलमध्ये २२ लिटर भेसळयुक्त दूध नष्ट करीत वजनमापे विभागातर्फे खटले दाखल करण्यात आले असल्याची माहिती समितीचे अध्यक्ष तथा अपर जिल्हाधिकारी प्रवीण महाजन यांनी दिली.

आणखी वाचा

दुधात भेसळ करणाऱ्यांविरोधात मोहीम, अन्न आणि औषध प्रशासनाने दुधाचे १०६२ नमुने घेतले

…तर औषधाची गरजच नाही! वाचा निरोगी आयुष्य जगण्यासाठी…

अमरावतीत १४९ एसटी बसेस भंगारात; कमतरतेमुळे प्रवाशांचे हाल

तपासणीसाठी दूध, दुग्धजन्य पदार्थांचे नमुने संकलित

पाच वर्षांत देश ‘एफएमडी’ मुक्त करण्याचा संंकल्प, केंद्रीय मंत्री राजीव रंजन सिंग यांची माहिती

पुणे शहरातील टेकड्याच्या सुरक्षितेतच्यादृष्टीने उपाययोजना करा, वन अधिकार्‍यांना चंद्रकांत पाटील यांच्या सूचना

राज्यातील वैद्यकीय महाविद्यालयांमध्ये स्तनपान कक्ष बांधणार, सामाजिक उत्तरदायित्व निधीतून ७० कक्ष साकारणार

मुख्य माहिती आयुक्तांच्या शोधासाठी न्या. शुक्रे यांची समिति; चौफेर टीकेनंतर राज्य सरकारकडून प्रक्रिया सुरू

१५ सप्टेंबरपर्यंत ही मोहीम राबविण्यात येणार आहे. जिल्ह्यात विविध डेअरी आस्थापनांवर दूध भेसळ व वजनमापनाचे खटले दाखल करण्यात आले आहेत. समितीमार्फत चाळीसगाव येथे आठ डेअर्यांच्या तपासणीअंती भेसळयुक्त दूध नष्ट केले असून, चार डेअरी आस्थापनांवर वजनमापे विभागाने खटले दाखल केले आहेत.

हेही वाचा… दरोड्यापूर्वीच पाच संशयित जाळ्यात; धरणगावातील गस्ती पथकाची कारवाई

गोठ्यात अनधिकृत ऑक्सिटोसीनचा वापर आढळल्याने पशुसंवर्धन विभागामार्फत नशिराबाद येथील पोलीस ठाण्यात गुन्हा दाखल करण्यात आला आहे. एरंडोल येथे तीन वजनमाप खटले दाखल करण्यात आले असून, २२ लिटर भेसळयुक्त दूध नष्ट करून, दोन नमुने अन्न व औषध प्रशासनाकडून तपासणीसाठी घेण्यात आले आहेत.