नाशिक – ‘वॉटरग्रेस प्रोडक्ट्स’ कंपनीने बेकायदेशीरपणे कामावरून काढल्याने उपासमारीचे संकट ओढावलेल्या सफाई कामगारांना न्याय द्यावा, या मागणीसाठी मनसेच्या नेतृत्वाखाली सफाई कामगारांनी कुटुंबियांसह महानगरपालिकेच्या प्रवेशद्वारासमोर सुरू केलेले आमरण उपोषण प्रशासनाने संबंधितांना कामावर घेण्याचे आश्वासन दिल्यानंतर मागे घेण्यात आले. दुसरीकडे कुठलीही पूर्वपरवानगी न घेता केलेल्या उपोषणप्रकरणी मनसेच्या पाच पदाधिकाऱ्यांवर सरकारवाडा पोलीस ठाण्यात गुन्हा दाखल करण्यात आला आहे.

सफाई कामगारांच्या प्रश्नावर मुख्यमंत्री, पालकमंत्री, मनपा आणि पोलीस प्रशासन आदी स्तरावर दाद मागूनही न्याय मिळाला नसल्याने मनसेने सोमवारपासून मनपाच्या प्रवेशद्वाराबाहेर आमरण उपोषण सुरू केले होते. त्यात मनसेचे शहराध्यक्ष दिलीप दातीर, महिला प्रदेश उपाध्यक्षा सुजाता डेरे आदींच्या नेतृत्वाखाली सफाई कामगार व कुटुंबियही सहभागी झाले होते. वॉटरग्रेस कंपनीतील कंत्राटी कामगारांनी मनसे कामगार सेनेचे सभासदत्व स्वीकारल्याचा राग धरून ठेकेदाराच्या सहकाऱ्यांनी तीन कामगारांना पखाल रस्त्यावरील कार्यालयात बोलावून जबर मारहाण केल्याचे उपोषणकर्त्यांचे म्हणणे होते. संबंधित कंपनीने बेकायदेशीरपणे ४५० ते ५०० सफाई कामगारांना कामावरून हटवले. या संदर्भात मनसेच्या शिष्टमंडळाला मनपा आयुक्तांनी या कामगारांना दोन दिवसांत परत कामावर घेण्याचे आश्वासन दिले. मनसेच्या लढ्यास यश आल्याची भावना दातीर यांनी व्यक्त केली. त्यानंतर दोन दिवस चाललेले उपोषण मनसे पदाधिकारी व सफाई कामगारांनी मागे घेतले.

love jihad hindu woman victime
‘बाळाचे नाव मुस्लीम धर्मावरून ठेवणार नाही’, सासरच्या मंडळीना विरोध करताच सूनेचा छळ
Satara, Convicts, reprimanded ,
सातारा : कोयना खोरे जमीन गैरव्यवहारप्रकरणी दोषींना फटकारले
INS Vikrant, police report,
आयएनएस ‘विक्रांत’ प्रकरण : प्रकरण बंद करण्याबाबत दाखल पोलिसांच्या अहवालावर लवकर निर्णय घ्या – उच्च न्यायालय
mla s from shiv sena shinde faction complaints bjp and ncp leaders for not work in lok sabha elections
भाजप, राष्ट्रवादीच्या नेत्यांकडून काम करण्यास टाळाटाळ ; शिवसेना आमदारांचा मुख्यमंत्र्यांपुढे तक्रारींचा पाढा; फडणवीस, पवारांशी चर्चा करण्याचे आश्वासन
Clarify stand on Jitendra Awhads plea to consolidate all offences High Court orders govt
श्रीरामाबाबत केलेले वादग्रस्त वक्तव्य : सर्व गुन्हे एकत्र करणाच्या आव्हाडांच्या याचिकेवर भूमिका स्पष्ट करा, उच्च न्यायालयाचे सरकारला आदेश
Radisson blue plaza
८० लाखांचे बिल थकित! पंतप्रधानांच्या मुक्कामानंतर वर्षभराने हॉटेलचा कायदेशीर कारवाईचा इशारा
BJD MLAs notice issued
भाजपात प्रवेश केलेल्या बीजेडीच्या चार आमदारांना धक्का; कारणे दाखवा नोटीस बजावली
police registered case against banner welcoming pm narendra modi in worli after bmc complaint
पंतप्रधान नरेंद्र मोदी यांच्या स्वागतासाठी वरळीत बॅनरबाजी; महापालिकेच्या तक्रारीनंतर गुन्हा दाखल

दरम्यान, हे आंदोलन करताना मनसेने कुठलीही परवानगी घेतली नव्हती. शहरात महाराष्ट्र पोलीस अधिनियमान्वये पोलीस आयुक्तांचा मनाई आदेश लागू आहे. आंदोलनासाठी पूर्वपरवानगी बंधनकारक आहे. असे असताना कुठलीही परवानगी न घेता मनसेचे पदाधिकारी मनपा मुख्यालयासमोर एकत्र जमले. घोषणाबाजी करीत उपोषण केल्याप्रकरणी मनसेचे शहराध्यक्ष दिलीप दातीर, तुषार मंडलिक, परशुराम साळवे, ज्ञानेश्वर बगाडे, सुजाता डेरे यांच्या विरोधात सरकारवाडा पोलीस ठाण्यात गुन्हा दाखल करण्यात आला आहे.