धुळे – मध्य प्रदेशातील सेंधव्याहून शिरपूरमार्गे पुढे जाणाऱ्या लसूण भरलेल्या मालमोटारीच्या तपासणीत पोलिसांना १० लाख ४० हजार रुपयांची ५२ किलो अफुची सुकलेली बोंडे आढळून आली. मुंबई ते आग्रा महामार्गावरील शिरपूर तालुक्यातील पळासनेर गावाजवळ सोमवारी मध्यरात्री ही कारवाई झाली. या प्रकरणी चालक, सहचालकाला ताब्यात घेण्यात आले असून त्यांच्याकडून मालमोटारीसह २५ लाख ४० हजार रुपयांचा मुद्देमाल जप्त करण्यात आला आहे.

शिरपुर तालुका पोलीस ठाण्याचे निरीक्षक श्रीराम पवार आणि त्यांच्या पाथकाने ही कारवाई केली. निरीक्षक पवार यांना मिळालेल्या माहितीच्या आधाराने मध्य प्रदेशातील सेंधव्याकडून शिरपूरकडे जाणारी संशयास्पद मालमोटार पोलिसांनी मुंबई-आग्रा महामार्गावरील पळासनेर (ता. शिरपूर) गावाजवळ सोमवारी रात्री साडेबारा वाजता थांबवली. तपासणीत मालमोटारीमध्ये लसूण असल्याचे निदर्शनास आले. वरवर लसूण भरलेले हे वाहन पोलिसांनी खात्री करण्यासाठी पोलीस ठाण्यात आणले. संपूर्ण वाहनाची तपासणी केली असता १० लाख ४० हजार रुपयांची ५२ किलो अफुची सुकलेली बोंडे (डोडा) आढळली. पोलिसांनी या कारवाईत १५ लाख रुपयांची मालमोटार, अफुची बोंडे असा २५ लाख ४० हजार रुपयांचा मुद्देमाल ताब्यात घेतला आहे.

N.M. Joshi Marg, BDD Redevelopment,
ना.म. जोशी मार्ग बीडीडी पुनर्विकास : म्हाडाने काढलेली घरांची सोडत रहिवाशांना अमान्य, भेदभाव झाल्याचा आरोप, न्यायालयात धाव
Kalyan Dombivli, Trees Fall on Power Lines, Trees Fall on Power Lines in Kalyan Dombivli, Heavy Rains, Disrupting Power Supply, Traffic, thane news, kalyan news,
वीज वाहिन्यांवर झाडे कोसळल्याने कल्याण, डोंबिवलीचा वीज पुरवठा खंडित
Nagpur, umred tehsil, bhivgad village, Woman Killed in Leopard Attack, Tendu Leaves, leopard, leopard attack, Nagpur news, marathi news
उदरनिर्वाहासाठी ‘ती’ तेंदूपत्ता तोडायला गेली….पण, बिबट्या काळ बनून आला आणि…
Nagpur, Police Raid, Prostitution, Prostitution, Prostitution in Nagpur, Wathoda Area, Two Arrested, two women arrested in prostitution business,
नागपूर : वाठोडा परिसरात एका सदनिकेत देहव्यापार, दोन तरुणींची सुटका तर दोघींना अटक
dombivli marathi news, unconscious woman robbed marathi news
डोंबिवलीत रस्त्यावर चक्कर येऊन पडलेल्या बेशुध्द महिलेला लुटले
Washim, Vehicle accident,
वाशिम : लग्नसमारंभासाठी जाताना काळाचा घाला, भीषण अपघातात दोन ठार
shocking incident in Wardha bullets fired on cousin
वर्धेत थरकाप उडवणारी घटना, आतेभावावर गोळया झाडल्या
Maharashtra News Live in Marathi
यवतमाळ : सिमेंट स्टील गोदामात दरोडा; रखवालदाराची निर्घृण हत्या

हेही वाचा – धुळे जिल्ह्यात ग्रामसेविकेसह अभियंता लाच स्वीकारताना जाळ्यात

पोलिसांनी वाहनातील चालक, सहचालक यांना चौकशीसाठी ताब्यात घेतले. सलामुद्दीन निजामुद्दीन (४२, दमाखेडी, जि. मंदसोर, मध्य प्रदेश) आणि सहचालक अशोक चौहान (३०, मानंदखेडा, जि. रतलाम, मध्य प्रदेश) अशी त्यांची नावे आहेत. लोकसभा निवडणूक २०२४ निमित्त लावण्यात आलेल्या नाकाबंदीमुळे तपासणी नाक्यावर ही कारवाई करण्यात आली.

हेही वाचा – नाशिक जिल्हा ग्राहक मंचातील दोन कर्मचारी लाच घेताना जाळ्यात, ५०० रुपयांची लाच घेताना रंगेहात पकडले

ही कारवाई पोलीस उपनिरीक्षक बाळासाहेब वाघ, कृष्णा पाटील, रफिक मुल्ला, जयराज शिंदे, संतोष पाटील, ठाकरे, प्रविण धनगर, मोहन पाटील, योगेश मोरे, स्वप्निल बांगर, संजय भोई, भुषण पाटील, रणजित वळवी यांनी केली. संशयित चालक, सहचालकाविरुद्ध गुन्हा दाखल करण्यात आला आहे.