scorecardresearch

धुळे महापालिकेतर्फे दंडमाफी योजनेला मुदतवाढ

मनपाने मालमत्ता कर एकरकमी भरणाऱ्यांसाठी सहा ते ११ फेब्रुवारी या कालावधीत दंडमाफी योजनेची घोषणा केली होती. त्यामुळे अनेकांनी थकबाकी भरली.

forgive fine scheme dhule mnc
धुळे महापालिकेतर्फे दंडमाफी योजनेला मुदतवाढ (छायाचित्र – लोकसत्ता टीम)

धुळे : महानगर पालिकेने दंडमाफीच्या योजनेला २८ फेब्रुवारीपर्यंत मुदतवाढ दिली आहे. यामुळे महापालिकेच्या तिजोरीत आणखी काही कोटींची रक्कम जमा होण्यास मदत होणार असून, मालमत्ता धारकांनाही याचा फायदा होणार आहे.

मनपाने मालमत्ता कर एकरकमी भरणाऱ्यांसाठी सहा ते ११ फेब्रुवारी या कालावधीत दंडमाफी योजनेची घोषणा केली होती. त्यामुळे अनेकांनी थकबाकी भरली. महापालिकेच्या तिजोरीत सुमारे तीन कोटींपेक्षा जास्त रक्कम सहा दिवसांत जमा झाली. परिणामी, दंडमाफी योजनेला मुदतवाढ द्यावी, अशी मागणी अनेकांनी केली. त्यानुसार मनपाने या योजनेला २८ फेब्रुवारीपर्यंत मुदतवाढ दिली.

हेही वाचा – नाशिक : नव्या उपविभागाचा वादग्रस्त अधिकाऱ्याकडे कार्यभार ;  ग्रामीण पाणी पुरवठा विभागातील सावळागोंध

हेही वाचा – अभियांत्रिकीला स्वायत्तता की शिक्षण संस्थेचे विद्यापीठात रुपांतर; मविप्र शिक्षण संस्थेसमोर पेच

महापालिका क्षेत्रात मालमत्ता कर मोठ्या प्रमाणावर थकला आहे. मालमत्ता कर वेळेवर न भरल्यास दरमहा दोन टक्के दंड आकारला जातो. अनेक थकबाकीदारांची मालमत्ताकराची रक्कम कमी आणि दंडाची रक्कम जास्त होती. त्यामुळे अनेक मालमत्ता धारकांकडून कर भरण्यास टाळाटाळ केली जात होती. वारंवार नोटीस देऊनही कर भरला जात नव्हता. दंडमाफी योजनेला चांगला प्रतिसाद मिळाला. त्यामुळे योजनेला २८ फेब्रुवारीपर्यंत मुदतवाढ देण्यात आली आहे. 

मराठीतील सर्व नाशिक / उत्तर महाराष्ट्र ( Nashik ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 16-02-2023 at 16:52 IST