scorecardresearch

Premium

नोंदणी मुद्रांक विभागाद्वारे आता दर्जेदार सेवा; पालकमंत्री दादा भुसे यांना विश्वास

नीगरिकांची गैरसोय दूर करण्यासाठी २००० चौरस फुटाच्या प्रशस्त जागेत हे कार्यालय स्थलांतरीत करण्यात आले असल्याचे भुसे यांनी सांगितले.

guardian minister dada bhuse expressed office Registration Stamp Department help citizens provided quality services
नोंदणी मुद्रांक विभागाद्वारे आता दर्जेदार सेवा; पालकमंत्री दादा भुसे यांना विश्वास (छायाचित्र- लोकसत्ता टीम)

लोकसत्ता वार्ताहर

मालेगाव: अद्ययावत व प्रशस्त इमारतीत स्थलांतरीत झालेल्या येथील नोंदणी व मुद्रांक विभागाच्या कार्यालयामुळे मालेगावच्या विकासात व महसुलात भर पडणार असून या माध्यमातून नागरिकांना अत्याधुनिक व दर्जेदार सेवा-सुविधा उपलब्ध होईल, असा विश्वास पालकमंत्री दादा भुसे यांनी व्यक्त केला.

PM Narendra Modi
”नव्या सर्वोच्च न्यायालयाच्या संकुलासाठी ८०० कोटी मंजूर”, मोदी म्हणाले, ”नवीन संसद भवनाप्रमाणे…”
devendra fadnavis received sindhu art gallery in nagpur proposal for approval
“नागपुरात १४० कोटींची सिंधू आर्ट गॅलरी”  काय म्हणाले देवेंद्र फडणवीस….
Nirmala Sitharaman asserted that the government has succeeded in delivering social schemes to the intended beneficiaries
सामाजिक योजना इच्छित लाभार्थ्यांपर्यंत पोहोचवण्यात सरकारला यश – सीतारामन
bombay hc quashes fir against college student for rash driving that killed stray dog
वाहनाखाली चिरडून भटक्या श्वानाचा मृत्यू; आरोपी विद्यार्थ्याच्या शैक्षणिक कारकिर्दीवर परिणाम नको, न्यायालयाकडून गुन्हा रद्द

येथील नोंदणी व मुद्रांक विभागातील सहदुय्यम निबंधक क्रमांक – तीन या कार्यालयाचे सटाणा रोडवरील नवीन प्रशस्त इमारतीत स्थलांतर करण्यात आले. हा उद्धाटन सोहळा पालकमंत्री भुसे यांच्या हस्ते पार पडला. यावेळी ते बोलत होते. कार्यक्रमास नाशिक विभागाचे नोंदणी उपमहानिरीक्षक व मुद्रांक उपनियंत्रक विजय भालेराव, महापालिका आयुक्त भालचंद्र गोसावी, उपविभागीय अधिकारी नितिन सदगीर, नाशिकचे जिल्हा सहनिबंधक तथा मुद्रांक जिल्हाधिकारी कैलास दवंगे, तहसीलदार नितिनकुमार देवरे, सह दुय्यम निबंधक ज्ञानेश्वर खांडेकर, सागर बच्छाव, बालाजी गोरे यांच्यासह नोंदणी व मुद्रांक विभागाचे अधिकारी व कर्मचारी उपस्थित होते.

हेही वाचा… भुसावळ – मनमाड – पुणे हुतात्मा एक्सप्रेस नऊ महिन्यांपासून बंद; प्रवाशांची गैरसोय

नोंदणी व मुद्रांक हा विभाग नागरिकांना दस्त नोंदणीची सेवा देणारा तसेच महसूल संकलन करुन राज्याच्या विकासात भर घालणारा असल्याचे सांगत पुर्वीचे नोंदणी व मुद्रांक कार्यालय हे वरच्या मजल्यावर तसेच अपुऱ्या जागेत असल्यामुळे गैरसोयीचे होते. त्यामुळे कार्यालयीन कामकाजासाठी येणाऱ्या नागरिकांची मोठी अडचण होत होती. विशेषत: दस्त नोंदणीसाठी येणारे ज्येष्ठ नागरिक,अपंग,आजारी व्यक्ती यांना मोठा त्रास सहन करावा लागत असे. ही गैरसोय दूर करण्यासाठी २००० चौरस फुटाच्या प्रशस्त जागेत हे कार्यालय स्थलांतरीत करण्यात आले असल्याचे भुसे यांनी सांगितले.

हेही वाचा… नाशिक मनपा कर्मचारी चौदा दिवसानंतर संपावर; सत्ताधाऱ्यांसह शिंदे गटाची कोंडी करण्यासाठी ठाकरे गटाची चाल

अधिकारी-कर्मचाऱ्यांनी कार्यालयात येणाऱ्या नागरिकांना सौजन्याची वागणूक देऊन आवश्यक सोई-सुविधा उपलब्ध करुन द्याव्यात तसेच या कार्यालयाच्या इमारतीत सीसीटीव्ही बसविण्याच्या सुचनाही भुसे यांनी संबंधित अधिकाऱ्यांना दिल्या. प्रास्ताविक जिल्हा सहनिबंधक तथा मुद्रांक जिल्हाधिकारी कैलास दवंगे यांनी केले. सूत्रसंचालन देवळा येथील दुय्यम निबंधक राजू शिंदे यांनी केले.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Guardian minister dada bhuse expressed that in malegaon citizens will be provided with quality services through the office of the registration and stamp department dvr

First published on: 05-10-2023 at 15:23 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×