नाशिक : आयपीएल क्रिकेट सामन्यावर सट्टा लावणाऱ्या सराईत गुन्हेगारास स्थानिक गुन्हे शाखेने ताब्यात घेतले आहे. आडगाव परिसरातील हॉटेल राजेशाही दरबारमागे निशीकांत पगार ही व्यक्ती आयपीएल क्रिकेट स्पर्धेतील चेन्नई सुपर किग्ज विरूध्द गुजरात टायटन या सामन्यावर जुगार खेळत असल्याची माहिती स्थानिक गुन्हे शाखेला मिळाली. हेही वाचा : नाशिकमध्ये ठाकरे गटात बंडखोरीचे संकेत, उमेदवारी न मिळाल्याने विजय करंजकर संतप्त त्यानुसार वरिष्ठ पोलीस निरीक्षक मधुकर कड आणि अन्य कर्मचाऱ्यांनी छापा टाकला. निशीकांत याला ताब्यात घेतले असून तो इंदिरा नगर येथे राहतो. त्याच्या ताब्यातील एक टॅब, दोन भ्रमणध्वनी ताब्यात घेण्यात आले आहेत. आडगाव पोलीस ठाण्यात संशयिताविरूध्द गुन्हा दाखल करण्यात आला आहे.
