जळगाव: सिलिंडर स्फोटात तीन घरांचे नुकसान; संसारोपयोगी साहित्य खाक

नळीतून गॅस गळती झाल्यानंतर सिलिंडरने पेट घेतल्यानंतर क्षणार्धात त्याचा स्फोट होऊन तीन घरांना आग लागल्याची धक्कादायक घटना चोपडा तालुक्यातील वटार गावात घडली. घटनेत महिलेसह दोघे जखमी झाले. आगीत संसारोपयोगी साहित्याची राखरांगोळी झाली आहे.  वटार येथील कैलास कोळी यांच्या घरात रात्री स्वयंपाक करीत असताना गॅस नळीने पेट घेतल्यानंतर क्षणार्धात सिलिंडरचा स्फोट झाला. त्यानंतर घराला आग लागली. आगीने रौद्र रूप धारण करीत शेजारील धनसिंग कोळी, भिकूबाई कोळी यांच्या घरांनाही आगीने लपेटले.